羲和小館 (已改名) 查看

今次主要叫左片皮鸭、冰镇鲍鱼、水煮鱼、豆腐锅。先讲一下片皮鸭，餐厅加入新食法-爆炸糖。究竟加入爆炸糖嘅片皮鸭系咪真系咁特别呢？试食咗之后，感觉系觉得好新颖，又甜又咸，爆炸糖霹雳啪喇系好特别，但系老实讲除咗得意，其他冇咩特别。讲返只鸭，片皮鸭几新鲜，块皮好薄，而且有热炉暖住，唔会咁快冻哂。冰镇鲍鱼方面，鲍鱼新鲜鲜甜、爽口弹牙，配上经过特别腌制嘅酸菜，识落特别开胃、而且可以提升鲍鱼本身嘅鲜味。水煮鱼有啲失望，鱼肉太厚，煮得太熟，令到肉质唔够滑身。虽然用沙煲，但系一啲都唔热，应该煮好后放左一段时间先上菜。