喜來稀肉 (已結業)

17/5/2019四人又出动庆祝5月生日聚会，去湾仔喜来稀肉。食物：一头牛 （一盘牛肉、醋饭、2杯饮料）：部位分不到，但味道最好食系花型果d牛肉，同埋有5块细细长方形状果d. 一头猪（一盘猪、醋饭、2杯饮料）：部位就讲吾到，不过猪的肉都系 中规中矩，说实在如果唔系我哋其中一个人唔食牛，我哋都唔会叫猪食。同埋今次个猪皮d味好怪，好似好骚咁，我之前食过的烧猪皮吾系咁味道的。牛肉眼：呢个牛肉眼系我去亲任何一间喜来稀肉都会叫的，我仲发现我咁耐冇帮衬，呢块牛肉眼都冇加过价，仍然系$150👏👏👏虽然望落好似好多肥膏，但系如果佢块牛肉眼一啲肥膏都冇嘅话会好干，所以有啲油份比佢烧出嚟会更加香。我觉得牛肉眼好香肉味,又好juicy. 话说佢set的醋饭，原来扮sushi , 自己烧d肉盖上去食，但佢嚿饭比较大同埋实净，所以好鬼饱。Service : 大部分都系韩国人，但佢地英文都好好，吾会沟通吾到。好自动同我地换烤盘、加前菜、加蛋👏👏👏同朋友讲开我地有成2年冇嚟喜来食了，吾系吾食韩烧，只系太多竞争同选择。同埋我地去湾仔呢间的原因系可以openrice 订枱、同埋呢个分店冇限时。