新沙洞澡堂 (已結業)

朋友最近调咗去长沙湾工作，所以可以同佢约喺中间点食个lunch，今日我哋就拣咗呢间新沙洞澡堂。餐厅入面果然有个澡堂😂，真系玩味十足。我哋首先叫咗两份小食，炸韩国午餐肉条卖相已经够晒得意，一条条扮成薯条嘅午餐肉插喺午餐肉罐之内，真系好睇又好食。另外嘅炸甜薯拉丝芝士条就系正常平时食开嘅水准，都系咁好食，味道都冇得输，因为我最钟意拉丝芝士！然后我哋仲点咗新沙洞二人套餐，配搭非常丰富。套餐入面嘅炸鸡有唔同嘅味道可供选择，我哋就拣咗韩式柚子炸鸡，半份总共有六件鸡，韩式柚子酱淋上炸鸡之后仲加咗芝麻，所以更加香口。套餐入面嘅拌饭可以拣韩式牛肉或泡菜猪肉，朋友唔钟意食辣，所以我哋拣咗韩式牛肉拌饭，另外再加咗只蛋，当堂又缤纷晒。煎蛋下面拌饭之上嘅牛肉其实相当多，而且用韩烧酱汁煮嘅牛肉特别惹味。鱼糕年糕汤嘅汤底鲜甜，无论鱼糕串定年糕嘅份量都相当多，好有韩式风味。蓝柑橘白桃梳打特饮嘅蓝色好靓好打卡able，白桃味亦好突出。而香槟葡萄梳打特饮感觉就几清爽，味道亦唔错。最后食埋个甜品，牛角酥窝夫同样有好多唔同味道可供选择，我哋就拣咗法式焦糖炖蛋。呢个牛角酥窝夫口感好松化，味道真系冇得输！总括嚟讲，呢度除咗环境靓