影片
更多
2023-04-18
528 浏览
坚尼地城开业八年嘅英国菜最近推出左一系列全新菜式！今次专诚为牛腱肉牛骨髓批而来，估唔到由前菜、主菜到甜品，每一道都几高质！餐厅楼底高，采用落地大玻璃，特别钟意窗边高枱位，虽望向冷巷，但采光唔错，感觉上更悠静更chill。菜式选择比想像中多，连经典black pudding血肠同Scottish Haggis羊杂碎都有！▪️Beef Shin & Bone Marrow Pie $238牛腱肉牛骨髓批｜完全系为咗呢一道而黎！酥皮薄脆带牛油香，内藏满满嘅牛腱肉、磨菇粒。肉汁相当丰富，味道浓郁得来唔会太咸，配埋中间嘅牛骨髓一齐食，更添浓厚脂香。重口味人士大爱！嫌太浓味则可配软绵嘅原味薯蓉一齐食~▪️English Channel Mussels & Wheat Beer $168英式小麦啤酒煮青口｜青口软滑有鲜味，汤汁酒香意外地突岀，带蒜香微辣。自家制酸种面包软熟带弹性，富面粉香，嫌且超索汁！包控表示想要多几块▪️Suffolk lamb ribs $298萨福克羊扒｜羊扒表面舖上香草焗成脆皮，口感份外酥脆。内𥚃肉质软嫩，好浓肉味，但又完全唔膻，完美嘅外脆内嫩。底下嘅珍珠大麦有咬口得黎好入味，酸酸
▪️Beef Shin & Bone Marrow Pie $238
牛腱肉牛骨髓批｜完全系为咗呢一道而黎！酥皮薄脆带牛油香，内藏满满嘅牛腱肉、磨菇粒。肉汁相当丰富，味道浓郁得来唔会太咸，配埋中间嘅牛骨髓一齐食，更添浓厚脂香。重口味人士大爱！嫌太浓味则可配软绵嘅原味薯蓉一齐食~
▪️English Channel Mussels & Wheat Beer $168
英式小麦啤酒煮青口｜青口软滑有鲜味，汤汁酒香意外地突岀，带蒜香微辣。自家制酸种面包软熟带弹性，富面粉香，嫌且超索汁！包控表示想要多几块
▪️Suffolk lamb ribs $298
萨福克羊扒｜羊扒表面舖上香草焗成脆皮，口感份外酥脆。内𥚃肉质软嫩，好浓肉味，但又完全唔膻，完美嘅外脆内嫩。底下嘅珍珠大麦有咬口得黎好入味，酸酸甜甜可一解肉嘅油腻。
▪️Silver Hill Duck Leg $268
Sliver Hill鸭腿｜来自爱尔兰莫纳亨嘅得奖鸭肉，肉质好嫩滑，配埋软滑鸭肝 油香份外浓郁。微酸嘅橘子酱成功降低油腻感，同时提升肉味，更有大葱烟肉薯蓉作伴碟。
▪️Sticky Toffee Pudding $98
拖肥布丁｜布甸软弹有咬口，系我钟意嘅口感呀！拖肥酱好浓郁，甜得黎又唔会太腻。布甸亦超够热，配埋雪糕 极之冷热交融。
▪️Apple and Black Berry Crumble $98
苹果蓝莓奶酥｜意外地唔腻嘅Apple crumble！crumble好酥脆，果酱味道天然，酸味十足，唔会太甜，仲有粒粒果蓉丰富口感。张贴
