洪記粥品 (淘大商場1期)

营业中

休息中

今日周末放假，约咗朋友去九龙湾行下，行下行下行咗去淘大花园，入口见到间粥店，我同朋友都想食粥，一于入去食午餐。洪记粥品，餐厅光猛干净，座位大部份都系卡座，坐得舒服，冷气够冻，就算夏天食热辣辣嘅粥都唔会觉得热。手打肉丸粥加半只皮蛋：粥底口感绵密，肉丸新鲜弹牙，加皮蛋更添美味。艇仔粥（走牛肉）：丰富材料有鱿鱼、猪肉、炸猪皮、花生等，粥底绵滑，味道鲜甜，爽脆软滑多重口感。猪红粥：猪红滑溜，份量都不少，粥底绵滑，加葱花、姜丝可以提升香味！豉油皇炒面：面质干身弹牙，咸度适中，是爽滑弹牙的惹味炒面。虾米肠口感软滑，配上虾米和特制的甜豉油，味道清新之余亦带点咸香，枱上还有多款酱汁，客人可随意添加，增添味道。油条又酥又脆，配粥食一流！