影片
营业时间
今日营业
07:00 - 23:00
星期一至日
07:00 - 23:00
以上资料只供参考，请与餐厅确认详情
食家推介
想去超市買啲野，放工便過左黎淘大商場，見好耐無食粥，就去洪記食先。正正飯市繁忙期，店內一位難求，門口仲好多人等緊外賣添。大概等咗五分鐘左右，啱啱好有張卡位埋單，真好彩🥰⭐鹹煎餅本身想叫牛脷酥，但呢度居然有鹹煎餅，呢樣嘢食真係買少見少，好多粥舖都唔見有，見咁耐冇食過叫返一個試下先。個人覺得唔夠鹹，但芝麻好香，外表酥脆內餡煙韌，幾好食吖。⭐炒麵食粥好鍾意配返份炒麵，呢度個炒麵豉油王都幾香，再整劈辣醬真係正爆。⭐黃沙豬潤粥 & ⭐碎牛粥等咗好一陣碗粥先至嚟，上枱時熱辣辣㗎。自己點咗碗豬潤粥，粥底幾綿，豬潤超多仲塊塊厚切，一碗起碼有十塊以上喎，咁重手嘅，感覺豬潤仲多過粥🤣朋友就叫做碎牛粥，再加料鹹蛋同豬紅，童叟無欺又係勁足料呀，鹹蛋黃起曬沙，正呀🤤⭐炸兩腸最後仲有等咗超耐先到嘅炸兩腸，粥都食完份腸粉先到，一度懷疑佢漏單，哈哈，點知諗住催單份炸兩場就到咗啦。油炸鬼新鮮腸粉皮有咬口，最正係甜醬麻醬同辣醬都可以任落呀嘛，食炸兩梗係要多醬㗎啦👍⭐豆漿粥店只有豆漿同可樂兩款飲品，見有少少口喝想飲嘢就叫豆漿啦，佢呢支嗰份量好大喎，飲半支已經飽咗😅微微甜有豆香，都幾好飲喎。嘢好味又唔貴，想食粥可以嚟洪記粥品。
继续阅读
天氣炎熱，今天以粥粉麵代替午飯，我們甫走進淘大商場，就看到新開業的「洪記粥品」，環境光亮整齊，於是便進入粥品店享用。炸兩~炸兩分大小碟供選擇，十分體貼客人需要。豉油王炒麵~炒麵份量頗多、味道還不錯，我們分享兩大碗。鮮鯪魚球生滾粥 添加鮮豬潤片~鯪魚球肉味鮮甜，軟滑中有少許彈牙口感，豬潤片咬落香脆，細嚼鮮香、有粉糯口感，我沉浸在清涼空調吃熱騰騰生滾粥，感覺非常愜意。牛肉腸粉~牛肉鮮嫩軟滑，腸粉口感柔嫩有彈性，兩者配合，美味可口。鹹煎餅~很懷舊的美食，餅面可以吃到南乳香、芝麻香和油香，却又不油膩，鹹煎餅雖然是空心，但軟綿的粉糰會吃得很飽肚呢！冰凍豆漿~樽裝冰凍豆漿有豆味，是有益消暑健康飲品。後記：粥品店街坊價錢，十分抵食。剛安座，女侍應為我們遞上一杯熱水，讓我們浸洗筷子與匙羹，給我們有小驚喜又十分窩心。
继续阅读
洪記粥品蝦米腸粉蝦米腸粉外觀晶瑩剔透，滑嫩嘅腸粉包裹著鮮香嘅蝦米。腸粉柔軟帶點彈牙，鮮甜滋味。搭配搭醬油，加啲芝麻，令整體風味更加突出，難怪咁受歡迎。北菇雞粥北菇雞粥湯底濃郁，米粒煮得份外綿滑。雞肉鮮嫩，香菇彈牙鮮香，加上花生蔥花提味。艇仔粥 加豬紅艇仔粥係經典嘅粥品，配料豐富，水發豬皮，免治牛肉，水發魷魚，脆炸花生。另外加入豬紅，增添口感層次感。粥底粘稠而不膩，豬紅滑嫩，令人滿足幸福。鹹肉粽鹹肉粽外皮柔韌，包裹著香氣四溢嘅填料。肥膏滋潤鮮美，蛋黃搶鏡，鹹香適中，糯米口感Q滑。跟足傳統方法，以白砂糖同豉油提味。配涷豆漿超正。炒米粉炒米粉炒得色澤帶金黃，香氣撲鼻，口感彈牙。搭配芽菜，紅蘿蔔絲等，我哋加上花生，芝麻，令層次感增加，簡單但不平凡。
继续阅读
本人喺早幾日夜晚嚟到買兩碗粥嘅外賣當時係18:55，到咗大約19:13覺得唔對路點解叫到B8913都未叫到我呢(本人B8905) 我知道如果即拉腸粉係會耐嘅，之前買過但我今次只係叫咗普通粥(註：唔係標榜生滾嗰隻) 其他人已經陸陸續續拎走佢哋碗粥然後我去問其中一位女士佢答我整緊㗎啦(但實際上佢係完全冇去睇過嘅)叫到B8918，忍唔住再問另一個，佢望一望我張單，今次好少少，起碼作個理由：「鯪魚球係要滾架」但都係冇幫我跟再跟住叫到B8922(重提本人係B8905)真係忍無可忍，真係驚佢入面漏咗單，呢啲嘢唔出奇的；咁我咪白等？於是乎問門口收銀嗰位四眼阿姐，阿姐非常有信心咁講：「我哋係唔會漏單架！！！生滾係耐啲架！！！」(阿姐呀！我買兩碗普通粥咋喎！)最後結果等咗差唔多半個鐘都算喇，諗住買多條油炸鬼；呢個時候頭先嗰個四眼阿姐已經黑我面 + 十分不友善的語氣，我諗係覺得我頭先追佢哋啩？覺得我騷擾咗佢哋？覺得我好 “恨” 食佢哋啲粥？其實此店由開張第一日我已經幫襯，尤記得當時個個都叫做友友善善，本人從未諗過要賓至如歸，但起碼都唔洗食碗粥都當正你係仇人？可能轉過頭佢同啲同事講又遇到西客I don’t care 將心比己，真心希望佢哋自己出去買外賣唔會遇到呢啲西阿姐拎到返去啲鯪魚球仲要係燶嘅再幾日前先幫襯完譚X，人家順number做、順number叫，起碼你等緊嘅都知咩情況結果等咗超過45分鐘我都毫無怨言係呀，你可以話：「咁你咪食譚X囉」會呀，已blacklist咗洪X永不幫襯！
继续阅读
真係冇諗過買個外賣⋯佢錯晒，都係我受氣，只可以講而家啲阿姐真係夠晒惡🤗我都有唔啱，我買嘢嗰陣淨係同佢講要1碗碎牛粥加炸兩～佢話$54，我就拍卡俾錢；買完見到張單上有（大），我先至發現原來個炸兩係有分大細⋯⋯如果有大細分，我又淨係嗌一碗粥，其實佢係咪應該都問一問係要大定細呢？定係市道唔好，賺得$5就$5？原本以為故事完咗，點知我等咗15分鐘呢兩樣嘢都未到，但係單號碼喺我10個位後面嗰啲都已經攞晒啦⋯⋯於是我就行埋去問佢，請問呢張單有未？佢望都冇望我就話枱上面有就有冇就冇我：張枱喺我嚟之前已經冇嘢佢：你有你咪攞囉！冇就冇㗎啦⋯⋯我：你見到張枱上面有嘢食咩？佢：冇咁你就等啦（其實我一直都冇見過佢擺外賣上嗰張枱）然後我如是者，我再等多10分鐘我見到佢哋出餐位 係有我要嗰兩樣嘢，都好耐㗎啦～咁我就問另外一個出外賣俾後我十幾個單號碼客人嘅人：請問呢張單係咪漏單？佢見到，就開始扮嘢話你碗粥出咗嚟好耐㗎啦，係冇炸兩住（但當時出餐位起碼有三盒炸兩，我亦都睇住佢出咗起碼兩個堂食嘅炸兩），我問佢咁你枱面上面嗰幾盒係？——其實我個餐得咗好耐，係佢哋漏單！咁等咩呢？我又買嗰刻已經企喺度等等咗咁耐，難道睇唔到？希望我唔會搵到佢公司個投訴電話，如果唔係我一定會投訴，個阿姐嘅態度真係世界級差！
继续阅读