老長沙湘菜館 (已結業)

今日放假约咗朋友去佐敦行街食饭,行过吴松街见到间湖南湘菜个门面好吸引,所以入咗去试下。老长沙湘菜馆,地址系佐敦吴松街149号龙汇商业大厦地舖,餐厅装修得好光猛整洁,座位空间感相当足够,楼上仲有vip房,喺度食饭感觉真系好舒适。望一望餐牌有烤鱼,烤羊扒,烤羊腿,羊肉串,如果多人仲有预订烤全羊,仲有好多小菜可以选择,全部都好吸引。烤羊扒半排 390元,羊扒分量好多睇见都流口水,肥瘦相间真系好吸引,入口羊味好香,肉质非常嫩滑,仲要一啲骚味都冇,每一啖都食到羊肉同羊脂,呢个口感真系100分,第一次食到咁香咁嫩滑嘅羊肉。羊杂汤 398元 四至六人份量, 羊杂汤味道好鲜甜,入口带少少香辣味,入面有羊肺,羊肠,羊肝,羊肚。入口感觉好暖胃,真系好有益,呢个羊杂汤真系好值得一试。干锅鱼杂 少辣 188元,卖相劲吸引上枱已经闻到好香嘅味道,入面有鱼鳔,鱼籽,鱼籽口感非常特别,味道鲜甜,加上有少少香辣味,味道好有层次,呢个𩠌用嚟配白饭真系一流,色香味俱全。