富臨皇宮

营业中

休息中

我又食蟹啦，今次食呢个系加拿大肉蟹，啲肉更加多😋😋呢只蟹真系超大只，望住佢系水打横行，再拎出嚟好残忍咁样俾我食咗佢去环境坐得好舒服而且好大好光 ，同朋友食到捧住肚咁走，啲员工仲好好可能见到我食到好论尽仲帮我搣埋湿纸巾，咁窝心得唔得㗎加拿大肉蟹 $538今次唔清蒸用芝士焗，加咗个乌冬底,朋友同我都表示呢个芝士味香而且唔会好腻，劲中意将啲芝士汁混合埋啲乌冬一齐食超好食😋肉蟹啖啖肉，连啲脚位都系厚肉，最强劲就系个壳上面啲蟹膏，超级多劲邪恶，爱蟹人士要食，多到两个人食唔晒黑松露炸子鸡 $238嚟到嘅时候超级香，劲香嘅黑松露味忍唔住已经好快拎嚟食，劲足料嘅黑松露，只要你拎到少少黑松露，佢成个鸡都好入味，绝对邪恶黑松露炸子鸡，外皮好脆，唔洗点汁都好够味就黎中秋，见到佢有月饼就顺便买一盒返屋企，我觉得劲贴心既一样嘢系我发现佢盒里面有消失咗好耐嘅刀同埋叉，呢个系我细个先会见到盒里面有，突然童年回忆返晒嚟。