Al Forno Pizzeria (已搬遷) 新店位置

今晩约咗朋友聚旧，系中环区揾间唔系太贵又坐得舒服嘅餐厅真系难。咁啱朋友醒目，揾到呢间意大利菜。Craft beer ($48)又系香港嘅手工啤，呢几年都试咗唔少。呢支叫追求，麦味都几重，一路饮一路思考其实我又一直追求嘅啲咩呢？Beijing ($140)由鸭胸，青瓜，芝士，洋葱做成嘅 pizza 听落好似好西式，其实最特别嘅就系个酱汁，因为用咗北京田鸭嘅甜酱，所以食落都好有北京田鸭味。但整体嚟讲好似咸咗少少。Spaghetti Bolognese ($98)呢个肉酱意粉反而估你唔到，非常之好味。首先意粉煮得好弹牙，然后上面嘅蕃茄肉酱令人好开胃，加埋芝士仲香。一定系必食之选。