滿記甜品 (朗豪坊)

营业中

休息中

同朋友系旺角食完饭想食甜品，于是行左上朗豪坊既满记。一直都觉得呢间满记质素唔错，甜品又足料大碗。芒果白雪黑糯米: 每次去满记必食既甜品，今次啲芒果都几甜又大件。黑糯米好有咬口，除左糯米仲食到粟米同芋头，就算食左好多都冇觉得闷，最重要系配埋似云尼拿雪糕融左既汁食，云尼拿同奶味几重，饮落好香，系成个甜品既精髓。热芝麻糊杏仁茶: 卖相唔系平时见𠮶啲太极图案，饮落味道好够浓，个人觉得杏仁茶好饮啲香味出啲。全碗捞匀之后都系杏仁茶既味道重啲，芝麻糊比较淡。满记既甜品水准都保持到，又唔会太贵，选择都几多。