阿嫲現烤手工蛋糕 (已搬遷) 新店位置

好耐之前唔知去一个咩展览，无意中食到佢嘅花生酥，一直就念念不忘，今次咁啱经过见到，忍唔住即刻买返一盒食。其实佢嘅保质期就唔长，好似大概两个星期左右啫，我谂系因为佢都系比较新鲜嘅嘢，所以都唔放得长，不过好坦白讲当你开咗之后，你会忍唔住每次食好多，所以真系要忍手。花生酥入口超级无敌松化，入口即化，花生味超级浓，味道又唔算甜，食落有少少浆口，一盒一共有16粒，50几蚊嘅价钱好食得过。佢另外既琥珀合桃都几好食，有兴趣都可以试吓。