鮮入圍煮 (已搬遷) 新店位置

香港人特别钟意打边炉最近听朋友讲话旺角有间餐厅食花胶鸡汤好出名又好味，当然第一时间要同老公去试吓啦。嚟到我哋第一时间叫咗个花胶鸡汤，个煲黎到我同老公都吓咗一跳因为啲汤渣入边真系有大大嚿嘅花胶同埋好多鸡件，侍应推荐我哋先饮一碗鸡汤再放配料落去打边炉，首先饮吓个汤头真系超级浓郁啊！而且饮落一啲都唔口干非常适合女士补下骨胶原。𠮶度嘅点餐纸有好几张配料选择都非常多，而且仲有啲新鲜游水嘅海鲜俾你即场选择添。另外配菜方面今次我哋叫咗牛汤汁浓汤牛丸，炸响铃，芒蚬同埋带子水饺，因为成个煲嘅配料已经有好多鸡件同埋花胶我地怕两个人食唔晒就唔叫咁多啦，首先讲下个牛丸食落好弹牙而且好Juice！另外个带子水饺系平时比较少食到嘅入面真系有一粒粒嘅小带子而且皮薄馅靓不过我就觉得啲馅料腌得偏咸咗少少，同埋个响铃食落好脆口同埋份量都几多下，最后个芒蚬真系冇得输！只只都好大只而且好肥美食落好鲜甜。