i CREMERiA (已結業)

creamia嘅雪糕本身都成日食，中意佢滑身得嚟又香奶味，又一啲雪嘅質感都冇，加上個筒曲奇底，微厚身又香口，淨係爭左唔夠大杯，成日都食唔夠喉。今次朋友請食甜品，仲話要請個豪嘅，原來就係creamia嘅蜜瓜雪糕，仲加埋金箔比我。一拎到手就覺得唔惹少，勁大杯，一大張金箔係雪糕上面，下面就係超越半隻嘅蜜瓜。金箔冇乜味，好柔軟，但影相好靚。雪糕本身就一向好味水準，仲要份量夠多。下面嘅蜜瓜係日本嘅味道，甜得嚟水份好足，肉身又柔軟，但唔會過淋，蜜瓜香氣撲鼻，食食下就哂成個。好少咁豪食個雪糕，不過食落真係好滿足，啱哂水果迷。