影片
更多
2018-05-27
576 浏览
今晚系欧联决赛夜，西班牙班霸皇家马德里大战英超红军利物浦，咁瞩目嘅比赛梗系要出酒吧睇先够气氛啦。场波凌晨两点几开始，漫漫长夜梗系先医肚，再落酒吧饮几杯倾吓波经等开波啦。为咗更应景，今晚特登去湾仔食西班牙菜医肚，喻意食住皇马。餐厅装潢设计时尚，采用开放式厨房，见到几位厨师落力烹调，更加食得滋味。【Daily Soup $48】今日嘅Daily Soup系蘑菇汤。少少糊状一望就知味道浓郁，上面仲有一抹黑松露油，丰富咗成个汤嘅味道。【Seafood bisque $88】饮落虾味浓郁，汤料有蚬同虾。蚬都算大只味道甜美，虾就超爽弹。【Crab Popper $78】一客有四粒炸蟹肉丝球。蟹球上面系炸脆嘅羽衣甘蓝叶，然后上下都涂咗层红椒蛋黄酱。炸皮外脆里面满是蟹肉丝，红椒蛋黄酱少少辣，整体食落几惹味。【Cochinillo $248】外皮烧到啡色中带少少金黄，皮薄又脆。猪脾肉质非常嫩滑又juicy，个人觉得比普遍较干身嘅德国猪手好食好多。猪脾望落唔大只但其实猪骨只占小部份，而且系好厚身，真系啖啖肉。配菜系焦糖菠萝，焦糖稍嫌薄咗啲但甜度适中，好过配薯条咁热气咁寡。【Seafood Paella $
为咗更应景，今晚特登去湾仔食西班牙菜医肚，喻意食住皇马。
餐厅装潢设计时尚，采用开放式厨房，见到几位厨师落力烹调，更加食得滋味。
【Daily Soup $48】
今日嘅Daily Soup系蘑菇汤。少少糊状一望就知味道浓郁，上面仲有一抹黑松露油，丰富咗成个汤嘅味道。【Seafood bisque $88】
饮落虾味浓郁，汤料有蚬同虾。蚬都算大只味道甜美，虾就超爽弹。
【Crab Popper $78】
一客有四粒炸蟹肉丝球。蟹球上面系炸脆嘅羽衣甘蓝叶，然后上下都涂咗层红椒蛋黄酱。炸皮外脆里面满是蟹肉丝，红椒蛋黄酱少少辣，整体食落几惹味。
【Cochinillo $248】
外皮烧到啡色中带少少金黄，皮薄又脆。猪脾肉质非常嫩滑又juicy，个人觉得比普遍较干身嘅德国猪手好食好多。猪脾望落唔大只但其实猪骨只占小部份，而且系好厚身，真系啖啖肉。配菜系焦糖菠萝，焦糖稍嫌薄咗啲但甜度适中，好过配薯条咁热气咁寡。【Seafood Paella $208】
食得西班牙菜一定唔少得西班牙海鲜饭，差不多每枱都有食。海鲜饭可选龙虾汁或墨鱼汁，我地拣咗龙虾汁。海鲜饭铺满喺一个大pan，上面放咗蚬、虾、带子、鱿鱼须。带子好大粒不过得一粒，要share，味道好爽甜。饭比较干身唔够软，硬左啲，不过都充满龙虾汁味。【朱古力慕丝蛋糕$58】蛋糕朱古力味香浓兼口感香滑，配有布满曲奇碎嘅云尼拿雪糕，啱晒炎炎夏日。
希望今晚爱队赢波，不醉无归。
张贴
