好彩海鮮酒家

营业中

休息中

今日下午我们喺西环附近做完嘢之后，去咗西营盘嘅「好彩海鲜酒家」饮下午茶！我们叫咗百汇冰镇猪手嘅质感好爽弹烟韧，因为系冰镇，再沾埋酸醋一齐食，所以唔会有好油腻嘅感觉！特制虾饺皇嘅饺皮好烟烟韧韧，虾肉好爽甜弹牙，而且都几多汁！蜜汁叉烧包嘅包质非常香滑软熟，蜜汁嘅份量超多，就算唔驶撕开一半，都可以睇到好香甜嘅蜜汁，新鲜热辣，真系好正呀！豉汁蒸凤爪焖得好腍好入味，酱汁嘅味道相当惹味浓郁！鲜竹牛肉球食落有好清香嘅芫茜香味，肉质好鲜嫩多汁，牛肉味亦好香浓！原煲腊肠滑鸡饭嘅鸡肉肉质好鲜嫩，唔会因为过咗火而变到好干身，腊肠亦好芳香惹味，而且啲油香亦渗透晒入啲米饭入面，最后再食埋好香口嘅饭焦，真系好好味呀！