好彩海鮮酒家

营业中

休息中

#好彩海鮮酒家this place stand here hk over 30years. i dunno how long as it last . from my age tell, its over 30 years. lucky it survived the economy downside, in 1997, 2003, 2008,2020. but in 2024 the new wave of economic downturn is coming. this wave is even more scary i can tell. thank the out pika chiu president of hk, and our china king mr. xi. the launching of the 23 law further enhance our nation security and making our economy strong again then ever..the truth is the housing price already drops

今晚行到西環，天意安排我去「好彩海鮮酒家」試下晚餐，唔係搵茶，係搵食的。一入去環境夠曬grand，地方又企理，唔使等位就食到。我哋第一時間點咗個嚟個脆皮燒肉，啖啖肉咁樣比較細粒，但一入口，外皮啪啦啦又脆又香，啱哂食勁。蜜汁叉燒腸賣相夠晒吸引，一放入口，果糖香同肉香層層交替，正！👍鮮竹牛肉球嘅肉質真系嫩滑得黎又彈牙，一邊嚼一邊出汁，好滿足啊。豉汁蒸鳳爪呢個就算係精選，幾滑幾入味，食得我停唔到口。至於我嘅大驚喜，就係鮮竹煎薄餅嚟啦！😲煎得出面脆脆，入面嘅鯪魚肉同韮菜味道濃郁，邊個諗得出，咁創新咁好食？每一啖都好似帶我去咗食物嘅樂土，樂開咗花！真系下次仲要再嚟幫襯，食返嗰份記憶中嘅好味道。好彩嘅晚餐，不只係食物質素，仲有佢哋的服務態度，由頭到尾都咁有禮有節，令人食得安心，放心。今晚呢一場味蕾嘅旅行，真系值得一試，期待下次再嚟！🍽️

今日去完游水就同班朋友過對面去左上環好彩酒樓食晚餐！今次我地一行12人又大人又小朋友，所以一圍枱比較方便傾計。今次我地嗌左好多餸，我覺得都幾好食，其中有咖喱牛筋腩煲 $82唔係辣嘅咖哩，牛筋腩幾淋，都有啲薯仔之類嘅配菜。雪耳百合炒勝瓜 $75簡單清淡嘅蔬菜，簡單又好食。黃金鳳尾蝦 $72*呢個蝦6隻比較少，不過外脆，好好食。 江瑤柱海味雜菜煲 $88另一清清地餸，種類多，好食鳳梨咕嚕肉小朋友要求點嘅食物，水準正常。乳鴿3隻入味又好食！楊州炒飯 $82正常炒飯呢度夠方便，又唔洗等位，仲可以Book位，喺去完中山公園最好嘅選擇。

之前一直都有同長輩嚟呢間茶樓飲茶，一直都覺得呢度呢食物水準吾錯，通常見到多數都係老街坊們幫襯。時隔一年多再嚟食Lunch,點心款式無乜點變，但多左手機落單，茶價有9折😂我地叫左北菰棉花雞(大)$32香芋鴨腦扎(特) $36鮮蝦燒賣皇(大)$32畔塘馬蹄糕(中)$28特及鮮蝦腸(頂) $40咸魚雞粒炒飯 $56整體嚟講，除左燒賣皇同鮮蝦腸之外，其他食物質素都好似下降左，希望下次再嚟食嘅時候，可以keep返以前嘅水準啦!👍💪

晚膳時當拉動椅子時，手指被卡住在椅子坐墊和鐵架中間，要大力拉扯才能將手指拉出而引致手指受傷，而酒家亦怠慢救治，當場是有酒家管理人員正在吃飯，因見到女侍應生不停匯報情況給那枱坐著的管理人員，但酒樓管理人員沒有行過黎和我了解傷勢，連我要求見管理人員，佢地都還是不理不睬，漠視客人傷勢！而我在當時無助下亦立刻報警和call救護車，警察到現場亦發現原來椅子是破爛的，螺絲甩脫和橫鐵支架亦破爛，我亦當時跟十字車去了醫院治傷亦有醫生證明是手指受傷。除了椅子造成危險，酒樓負責人的管理和處事態度以至侍應生的無知無禮無質素也是很大問題，都係垃圾酒樓⋯⋯椅子底部鏍絲不見了 和兩條鐵枝亦破爛需要去醫院治理

难得一家人齐齐休息,梗係出去食飯啦.唔使煮又唔使收.食龍蝦,第一時間就諗起好彩.粵菜海鮮酒樓黎講,好彩哋水準都比較有保證,物有所值.上湯龍蝦煎米底,哋米粉煎得好香脆,吸收嗮哋上湯龍蝦汁水.正.呢個價錢黎講係低食既.蒜蓉粉絲蒸聖子,显得出師傅功架,蒸得時間啱啱好,聖子够滑.果皮蒸鮑魚,鮑魚好食,略嫌哋果皮太多,又浸唔够透,反而会有哋苦味.菜遠炒斑球,哋魚好有魚味.菜心够嫩够爽.餸酒餸飯皆係一流服務态度又僟好,成晚好勤力咁加水換碟.

【#飲茶精選🍵 】#好彩海鮮酒家 打完針小休之後，又再出去飲 #早茶今次去依間好彩，基本上已經少去，一來價錢偏貴，二來食物質素下降，有時會選擇更高價錢，但食物質素同樣高既其他食肆。#白粥 係我屋企人每次去依度飲早茶必然之選，佢個粥底做得好好，比一般粥鋪更好，$11算係相當抵食。#香滑蒸腸粉 都係一定會揀，因為真係夠滑（我覺得冇之前咁滑）點埋醬油更加好味🤣 中點$21#香滑麻蓉包 唔係經常有得食，佢都做得幾好，包好軟熟，包餡未至於流心但亦唔會乾晒👍 中點$21牛肉賣（$19）同娥姐粉果（$17）就一般，特別是粉果只有兩隻，雖然比較大隻，但個皮太厚，難消化🤥依度而家推廣 #手機落單，話有九折，亦聽到店員話有折，所以冇細睇。原來佢既九折係講茶錢！有點取巧🤔茶錢$12 （九折後$11，平$1）🤢推介指數：4/10#港飲港食 #西營盤 #中式飲茶 #酒樓

政府派咗第二期消費券，多咗零用钱使，呢餐就食好小小啦。同老妈子俩个人去好彩食，六點钟到場，我哋係第一枱客。見佢魚缸哋龍蝦都幾生猛，一于就試下啦。推薦上湯龍蝦伊面，話明係海鮮酒家 。下次就专叫海鮮食

尼間酒樓去過一次都怕怕，啲員工衰到不得了！早上9:30去到，門口知客話自己搵位隨便座得嗱！但由於大堂多人，又基於疫情關係，我哋揀左較入較少客人的位置！座低後，冇人招呼冇人開茶！仲聽到有兩個女員工係度很不滿同大大聲咁對話：又座尼邊、係都要座得咁入…. 有咁入就座咁入…. …. ….！明講緊我地！冇搞錯呀！有位都吾座得？！咁做生意都得？！唉！個疫情好番少少就咁！真係死得囉！我地座低後，見到佢哋一而再再而三咁趕啲新到嘅客番大堂撘枱座，有啲客就跟員工嘈交起來！講真，酒樓係服務性行業，點可以因為要減輕自己的工作量而去趕客、鬧客….. …只不過尼間酒樓位置好，舊區老人多，所以還有一班長者幫襯！但吾可以長此以往都係服務咁差！所以希望酒樓高層可以係（有位吾比錯）的情況下多加注意，同員工溝通溝通，加以檢討！！！我亦知有錢飲茶吾係大哂，但作為一個消費者、客人，只不過係想開開心心咁食下野，同親朋聚聚會，揀個心宜嘅餐枱位置座座，有乜問題，錯在那裡？？？！因尼啲員工嘅服務態度而影響了整間酒樓的形象，真的為這間酒樓悲哀！！再去？！no no no la, 貼錢買難受

朋友相叙選了西環好彩海鮮酒家，早市做到12:00，可以慢慢食，點心選擇都幾多，不過服務就差左少少，落單及加水都搵唔到侍應，自已直接走去收銀處落單。超級醒神早點有13款，蝦餃燒賣都有在內。本來叫左原煲梅菜肉餅飯，後來話賣曬，轉原煲鳳爪排骨飯，最後又係話賣曬，所以試唔到煲仔飯，變左全部食點心。煎羅漢腐皮卷，腐皮煎得夠焦香，內裏的饀料很多，漲漲實實，醮上喼汁同吃味道佳。香煎芓頭糕，吃到粒粒芓頭，糕的底面都煎得夠透，帶點焦黃，鹹度適中，三件都很大塊。欖角排骨陳村粉，這個點心很惹味，欖角帶點甜味，又有少少鹹，排骨半肥瘦，有咬口，陳村粉軟滑又吸收了全部的汁液，讓人吃得滋味。干蒸牛肉賣，吃上口感到不是粉團，有肉的質感，結結實實，啖啖好吃。鮮蝦燒賣皇，一籠只有兩隻，吃時你感到全口都是蝦肉，爽口彈牙，每隻都大大粒。特製蝦餃皇，都是一籠兩隻。皮的厚度一般，隱約見到被包住蝦肉的色澤，蝦肉大大粒，口感爽。

招呼超差， 排隊攞籌都冇用，明明排第一，熟客嚟到就可插隊，有個大廳又經常閂埋唔開畀人坐，茶錢要成十一蚊一位，茶不特別好不值，茶的質素比同區的明星酒樓差且貴， 食物ok 不過唔想受氣就別去！

下星期父親節又唔想同人迫，決定早一個星期食再加上爸爸又鐘意食中菜就決定黎呢度食。本來對傳統酒樓中餐無咩期望，但結果竟然意外地好食。既然慶祝父親節，當然要請爸媽媽食好啲啦，一黎到就去海鮮位度叫餐。自己親自去睇住佢㨂海鮮，計過岩價錢先落單唔洗失預算嘛龍蝦2斤9重，特價13.8一両，加伊面底40蚊，蝦肉爽甜新鮮又美味再order一條大石班$480 肉質好正果然新鮮即叫即煮係唔同啲剩係食海鮮我哋5個人都見飽飽地所以就叫左2碟菜中和返邪惡既感覺估唔到啲菜又幾好食喎又大碟唔似出邊得幾條咁。食到最後埋單竟然有糖水送，實在太開心，有渣渣仲有一個有芋頭同西米（唔知係咩）的糖水

我家每星期都會嚟呢度食晚飯，因為一定有位唔洗等，又有停車場同酒樓每張車飛會俾$20你贊助泊車👍🏻啱晒我屋企。今晚我哋叫咗冬瓜盅，應該係期間限定，唔係成日有，大大碗每人可以有兩碗，食冬瓜唔洗叫炒菜。另外叫左兩條大泥鯭加埋斤幾果皮蒸先三百幾蚊算抵食啦。客家煎釀豆腐係我老媽子至愛(唔記得影相)，燒腩仔皮夠脆唔會太咸👍🏻，咸肉炒四季豆好冶味送飯一流👍🏻食完飯仲送橙同糖水，四個人$1000唔洗，夠晒經濟啦。環境方面，枱與枱之間都夠闊，唔嘈。服務態度都唔錯，唔係我哋都唔會成日嚟啦😅

特登帶父母同bb去試，叫壺水仙同香片，仲特登叫水仙要濃啲，老人家要濃茶，但女服務員聽錯拎了水。叫佢幫手換一壺，佢就極惡話做咩，唔飲得咩？同佢講我哋係要水仙，唔係水，話要茶的水仙，就話得啦，但手就搶走另一壺我媽咪用緊嘅香片。同佢講話個壺無錯，就話開多壺囉，講咁多，又話「好像我欠咗你錢咁」，仲扔低個壺水，彈晒出嚟。我本身都好好禮貌，見到咁真係忍不住著晒，有無搞錯，好聲好氣同你講，咁樣話老人家，我真係忍不住等佢返來話返佢，係我忍不住氣。點知佢仲愈講愈講愈惡，而成班所謂經理無人阻止，最後得帶位個個女經理制止佢。我後來睇呢到comments 先知原來呢間舖頭服務一向非常差，真係好後悔帶老人家去！

今日假期中山公園BAG DROP完跑長課之後就到對面好彩飲茶糯米雞好少有咁大隻,都幾好食燒賣-正常野,不過青豆就奇怪左一D餃-都唔錯幾好味道星洲米-唔夠辣,再辣一點會比較好食春卷-都幾香口,炸得唔錯