越南麵包

营业中

休息中

嚟到九龙城，边个话定系食泰国嘢或者牛肉饼㗎!! 跟住我哋A姐M佬就梗系有新嘢介绍啦，今次试越南菜。话说今年生日，A姐带咗我去越南岘港，食过传说中嘅越南法包，无谂过喺香港都有得食。见到𠮶餐厅名 — 越南面包 — 就知道越南法包出名啦!!!哗!! 𠮶法包真系好香脆，而里面嘅香茅猪扒切得细细旧，又唔韧，配埋芫荽，洋葱，青瓜同酸萝卜，真系食落好清新。仲有大中小辣，我哋拣咗中辣，唔算好辣。小食拼盘根本就系为咗我哋呢啲贪心嘅人而设，一次过食晒4款小食，有牛油鸡翼，越式炸春卷，炸虾饼同鱼饼。嗱!! 讲真，越南捞檬就食得多啦，越南伴饭就真系第一次食。 真系唔知咩东东…… 伴饭有BBQ烤碎肉，粟米，青瓜粒同青木瓜丝沙律，我哋拣咗慢煮48小时五花肉，肥瘦适中，好入味。