韓珍 (帝國中心) (已結業)

我都好耐冇食韩国菜，见到朋友去咗韩国食得好开心，我突然又好想食酱油蟹，于是决定接埋女朋友放工就一齐去尖沙咀食酱油蟹。我地去咗旧舖，由于我最近食咗烧肉，今次就冇叫烧肉，单点几样嘢。🥗先嚟六小碟前菜。沙律菜、泡菜、大荳芽菜、卤水鹌鹑蛋、茄子、肠仔鱼板。🦀酱油蟹 $250 1只酱油蟹嘅蟹膏甘香鲜甜，而蟹肉都鲜甜嫩滑，酱汁甜甜地唔会死咸，将鲜甜无比嘅蟹膏蟹肉捞埋紫菜鸡蛋牛油饭一齐食，超满足的说。🥚50cm长韩式鸡蛋卷 $158鸡蛋卷入面包住生菜，蛋卷好嫩滑，加埋木鱼片、葱、芝士、泡菜、蕃茄汁、沙律酱等，口感非常丰富。上台见到长长嘅蛋卷真系有点吓到，担心食唔晒，但太好味喇，食下一件又一件😂最后都有食晒。🐔甜酸炸鸡 $190炸鸡份量都好多，甜甜酸酸感觉似似地咕噜肉，味道都唔错。🌶️泡菜煎饼 $130煎饼好大碟好大块，边脆内软，好有泡菜嘅味道，但唔会好辣，整体味道都算唔错。