陸記正宗桂林米粉

营业中

休息中

難得返元朗，揾地方食晏，行到去又新街，梗係要去陸記幫襯下。呢度雖然地方細細，但好多時都坐滿食客。呢度出名食廣西米粉，有唔同嘅餐選擇，除咗絕代雙豬外，必叫嘅食物係鍋燒肉粉。 廣西米粉， 唔同我哋一般食開嘅米粉，粗度係粗啲嘅。 另外就係鍋燒肉，都有成五至六塊，塊塊都大大舊，而且肥瘦度適中，唔會好似有啲舖頭，啲燒肉肥到食唔到，而且個皮燒得好脆，肉地又夠 juicy，唔會嚡十十，再加埋桌面嘅辣椒粉，簡直一絕。加多杯凍奶茶，埋買單都只係51蚊，抵食。