里木

营业中

休息中

为咗庆祝Mummy生日，我带佢嚟呢度食铁板烧，Mummy食完之后特别开心，带佢嚟呢度食真系物超所值。餐厅入面嘅装饰都好有品味，服务生亦都好亲切，系一家高水准嘅日式餐厅。我哋食咗赘沢铁板烧套餐，以下就系呢个套餐所提供嘅美食。首先系牡蛎，味道非常新鲜，每一口都可以感受到咸鲜味。之后食鱼子酱，新鲜嘅鱼子酱入口即溶，带有少少腥味同咸味。再之后食咗白象拔蚌，味道鲜甜，充满海水嘅咸香味，口感爽脆利落。再嚟就系爱尔兰蛏子，味道鲜美，口感丰富，软硬度适中，汁多香醇。之后系澳洲龙虾，味道甘甜，肉质松脆，口感十足，相当新鲜搭配佢哋特制嘅酱汁，一流。再嚟法国鹅肝，口感细致，肉质细腻嫩滑，味道鲜甜，散发著独特嘅醇厚香气。然后系和牛薄烧，浓郁和牛味，每一口都可以感受到肉汁嘅鲜美。最后仲有和牛炒饭，饭粒都充满咗和牛味，搭配煎蛋味道一流。成个套餐令人食得非常满足，真心推荐大家嚟呢度品尝。