築間酸菜魚

今日嚟到铜锣湾呢个繁忙嘅地区，有一间楼上舖，超巨型玻璃窗，外面系铜锣湾特色楼景，打卡必去。餐厅邻近地铁站，好方便。香港好多食酸菜鱼嘅餐厅，今次呢间比较特别，系台湾特色酸菜鱼，酸菜鱼系主打，除此之外，仲有好多款唔同味道嘅鱼可以选择。当然我叫咗一份台式酸菜鱼，台式中式分别好大，呢度嘅酸菜鱼汤底好浓好香，鱼肉片好滑，唔会太辣，相当美味。除此之外，我仲尝试咗一款中西合璧嘅菜式。明太子忌廉白汁煮鱼，鱼片同酸菜鱼入边嘅一样，好滑、冇骨、好易入口。而汤底就好特别，有少少似白汁意粉酱，好香滑，同样好好味。小食有：外脆内软嘅台式炸物「铁汉小酥肉（椒麻味）」，味道唔辣，台式盐酥鸡嘅椒盐味道，炸到脆卜卜，好香口。另外仲有「百花酿油条」，油炸鬼入面包咗墨鱼胶，爽口弹牙，充满墨鱼嘅鲜味，味菜式好特别，而且配合得非常好，值得推介。「椒盐猪肋骨」 大大件，好多肉，肉质鲜嫩，好好味。最重要系有超大杯冰冻而解渴嘅饮品，记得必饮。最后食埋个烧先，好满足。店员服务非常周到，值得加分，一定要再嚟光顾。