影片
更多
2016-06-28
1381 浏览
久唔久就身痕想食日本野，今日黎到美食集中地 -- 清风街，试试呢间悦鮨，入到去，已经见到两位师傅辛勤工作，由此推测，刺身同寿司应该唔错，就叫黎试下。黎到真系哗一声，个presentation实在太靓！而家逐样介绍番先。(由上至下)深海池鱼、中拖罗、池鱼他他。深海池鱼鲜味爽口，口感极佳；中拖罗一咬即溶；池鱼他他味道都几浓，配酸汁将会系不错既选择。(由上至下)白虾寿司、吞拿鱼寿司、北海道马粪海胆寿司。白虾寿司系用好多细虾组成，软腍有鲜味；吞拿鱼寿司油分适中，口感软嫰；北海道马粪海胆寿司味道浓郁鲜甜，非常好，必食。炸蟹仔外壳香脆，入面有羔，用黎送酒一流。松露酱油烧带子刺身，带子厚身+新鲜，配黑松露香味更突出；用紫菜包住食，多一重香脆口感，正！生粟米，清甜无渣，有D似食生马蹄，非常惊喜！青柠啫喱，清香带酸味，用黎清味蕾最啱。由师傅自己腌既紫姜，酸度刚好，非常细嫰，系另一惊喜。食完一轮刺身同寿司，系时候食热荤。呢条「喜知次一夜干」，系将喜知次腌制后风干一晚再烧，少少干身，味道带咸，外皮煎得香脆，果然系日本人既至爱！餐厅有提供套餐，三道菜$380，五道菜$550。我地拣左三道菜，除左刚才介绍过既「
久唔久就身痕想食日本野，今日黎到美食集中地 -- 清风街，试试呢间悦鮨，入到去，已经见到两位师傅辛勤工作，由此推测，刺身同寿司应该唔错，就叫黎试下。
黎到真系哗一声，个presentation实在太靓！而家逐样介绍番先。
(由上至下)深海池鱼、中拖罗、池鱼他他。深海池鱼鲜味爽口，口感极佳；中拖罗一咬即溶；池鱼他他味道都几浓，配酸汁将会系不错既选择。
(由上至下)白虾寿司、吞拿鱼寿司、北海道马粪海胆寿司。白虾寿司系用好多细虾组成，软腍有鲜味；吞拿鱼寿司油分适中，口感软嫰；北海道马粪海胆寿司味道浓郁鲜甜，非常好，必食。
炸蟹仔外壳香脆，入面有羔，用黎送酒一流。
松露酱油烧带子刺身，带子厚身+新鲜，配黑松露香味更突出；用紫菜包住食，多一重香脆口感，正！
生粟米，清甜无渣，有D似食生马蹄，非常惊喜！
青柠啫喱，清香带酸味，用黎清味蕾最啱。
由师傅自己腌既紫姜，酸度刚好，非常细嫰，系另一惊喜。
食完一轮刺身同寿司，系时候食热荤。呢条「喜知次一夜干」，系将喜知次腌制后风干一晚再烧，少少干身，味道带咸，外皮煎得香脆，果然系日本人既至爱！
餐厅有提供套餐，三道菜$380，五道菜$550。我地拣左三道菜，除左刚才介绍过既「松露酱油烧带子刺身」，仲有「汁烧黑豚架」同「鲜蟹粥锅」。黑豚架肉质细嫰，而且调味上佳，值得推荐。
蟹粥用火锅上，热辣辣，材料丰富：用毛蟹肉、蟹膏、菜丝、冬菇、鸡蛋等熬制，清淡得黎带点鲜甜，唔钟意浓味既朋友就最啱。张贴
