牛大人台灣火鍋吃到飽 (銅鑼灣廣場二期)

营业中

休息中

小朋友鍾意食打邊爐，一早已經決定咗食呢間牛大人食火鍋，因為可以任食日本A4黑毛和牛火鍋放題，仲送澳洲M9和牛牛丸2粒 同海鮮拼盤，去到嘅時候先知道近排做緊推廣仲可以任食鮑魚，開心到呢！我哋首先叫咗鴛鴦鍋，小朋友鍾意蕃茄湯底，我就鍾意胡椒豬肚雞，胡椒湯底唔會好辣，不過好香，蕃茄湯底酸酸地好開胃。除咗可以任食牛肉，牛肉質素有保證，仲有海鮮拼盤，全部海鮮好新鮮好鮮甜，最特別係有幾款唔同口味嘅鮑魚可以試到，古法醉鮑魚、炭燒鹽蔥鮑魚、柚子燒汁鮑魚，全部都鮮甜彈牙，仲可以任食，真係食多幾粒已經抵返晒。另外海鮮除咗超隻蠔，好大粒嘅蜆，仲有脆鯇魚腩，魚滑，全部都好好味。任食兩小時真係飽到上心口，不過見到除咗有無限飲品供應，仲可以食埋仙花雙圓 同埋Movenpick芒果雪葩，幾飽都要試埋佢，真係非常滿足。我仲知道三月份佢哋會出黑白養生系列: 黑白湯鍋（係養生黑蒜雞湯鍋同埋魚白湯三文魚豆腐鍋）聽到都覺得好精彩，平日午市仲要無限時優惠，月尾一定要再嚟多一次先。