影片
更多
2018-04-12
97 浏览
一向都钟情于食日本嘅Omakase，今次去到铜锣湾闹市区嘅高级日本料理餐厅用餐，庆祝朋友的生日。餐厅环境装修华丽有气派，好有日式感觉，配合主题以鸟类-鹤为主题，见到吧枱上都有一只鹤雕像，另有一番格调。餐牌上有四款Omakase套餐选择，视乎食物嘅数量而定，最后我哋拣选左樱都套餐，当中包括十种加卷物。自家制牛蒡同埋萤光鱿鱼味道非常新鲜。牛蒡酸酸甜甜好开胃。北海道真蚝有我手板咁大只，而且食落去非常鲜甜肥美，口感好Creamy。海胆百页百页即系我哋俗称嘅腐皮，师傅建议我哋一啖食落口，海胆非常甜，而且两者一齐食个味道好match。海鳗BB-穴子苗好滑身，口感烟靭。鲂𫚒鱼即系清道夫，卷着海胆一齐食，一啖过，不需点任何酱汁都好够味道。除此之外，平目鱼鲣鱼樱花、烧白子紫菜同埋深海八爪鱼菜式特别之余，味道仲好清新鲜甜。寿司方面，当中嘅春子雕寿司🍣柚子味道浓郁，食落去口感爽滑。另外仲有针鱼、伊左目、粒贝、帆立贝、非常罕有嘅江户前寿司代表作-小肌寿司、吞拿鱼等等。当中有我最钟意嘅吞拿鱼-拖罗，卖相非常吸引，而且厚切的，食落去简直有入口即溶嘅口感。葱花吞拿鱼饭上面铺满芝麻，食落去更有口感。鱼汤系用七种唔同雕
餐厅环境装修华丽有气派，好有日式感觉，配合主题以鸟类-鹤为主题，见到吧枱上都有一只鹤雕像，另有一番格调。
餐牌上有四款Omakase套餐选择，视乎食物嘅数量而定，最后我哋拣选左樱都套餐，当中包括十种加卷物。自家制牛蒡同埋萤光鱿鱼
味道非常新鲜。
牛蒡酸酸甜甜好开胃。
北海道真蚝有我手板咁大只，而且食落去非常鲜甜肥美，口感好Creamy。
海胆百页百页即系我哋俗称嘅腐皮，师傅建议我哋一啖食落口，海胆非常甜，而且两者一齐食个味道好match。
海鳗BB-穴子苗好滑身，口感烟靭。鲂𫚒鱼即系清道夫，卷着海胆一齐食，一啖过，不需点任何酱汁都好够味道。
除此之外，平目鱼鲣鱼樱花、烧白子紫菜同埋深海八爪鱼菜式特别之余，味道仲好清新鲜甜。
寿司方面，当中嘅春子雕寿司🍣柚子味道浓郁，食落去口感爽滑。另外仲有针鱼、伊左目、粒贝、帆立贝、非常罕有嘅江户前寿司代表作-小肌寿司、吞拿鱼等等。
当中有我最钟意嘅吞拿鱼-拖罗，卖相非常吸引，而且厚切的，食落去简直有入口即溶嘅口感。
葱花吞拿鱼饭上面铺满芝麻，食落去更有口感。
鱼汤系用七种唔同雕鱼淆制，味道非常浓郁，而且一啲都唔腥，饮落去味道新鲜鲜甜。
最后就系甜品-抹茶红豆布甸，餐厅悉心制作，就连甜品嘅卖相都非常吸引，食落去有好浓郁嘅牛奶同埋苦涩嘅抹茶味道，两者味道能够中和，简直系绝配。呢餐生日饭就连我朋友都大赞同埋非常满足，而且喺铜锣湾闹市中揾到咁高质素、咁好服务态度嘅厨师发板餐厅，真系买少见少了，所以下次经过必定会再encore。
张贴
