B-mix 燒肉餐酒館 (已結業)

为庆祝终于搬走晒一大堆大型物品，我地当然要食返多啲肉，所以就去食烧肉✔️上楼梯就见到好大嘅龙猫摆设，超开心，即刻同佢地打卡✔️入到去见到好大个屏幕播紧龙猫音乐影片，又要打卡，龙猫音乐令环境气氛都多份活泼✔️地方唔细，最欣赏座位超高嘅背板，设计好有心思✔️叫咗条鳗鱼，第一次自己烧鳗鱼，好大好大条，好兴奋呀✔️烧鳗鱼非常好玩，食落口亦十分弹牙，好鲜香，厚肉到每口都好满足✔️自己烧嘅鳗鱼味道当然要赞好，店员好细心详细教我地点样烧会好味，一面烧一面自己搽汁，好有趣✔️除咗超正嘅鳗鱼，食烧肉当然要叫牛肉，两款都好有牛味✔️牛肉配埋自家制烧汁味道更有层次，仲有岩盐 柠檬汁 同埋 日本酱油，我有时配岩盐，有时配烧汁，食晒咁多种风味✔️鸡肉亦是另一惊喜，好嫰好滑好有鸡味，我钟意加七色粉食✔️猪肉都好肥美，配埋超新鲜嘅生菜，好得！✔️配埋南瓜 鸡脾菇 同埋 海苔饭，好平衡✔️百香果茶 同埋 潽梅香 特饮 好靓，又系要打卡啦，两杯都好特别亦好味，我比较喜欢潽梅香，感觉有啲似我喜欢嘅mojito