影片
更多
2018-03-28
381 浏览
好钟意食辣野 见到呢间小店好款式虽然唔多 但阵阵辣味飘出黎已经好吸引我啦 店面唔算大 下午茶时间唔洗等位 我就叫左一个大既凉面 $20 走青 一个细既云吞 $20 两个都系中辣 凉面一叫就有 因为预先整好放雪柜 一上枱已经好香辣味 流晒口水 因为系冻既一开始食其实唔系好辣 反而系椒味好香 食到中间就开始觉得辣辣地 仲有少少麻 好正 云吞黎到 见到啲红色既油厚厚一层 视觉上好似比都系中辣既凉面辣咁 佢既云吞系一啖一粒既 皮好薄好滑 但啲馅都比较少 好似有六七粒咁上下 见佢有肥肠面 如果可以叫凉面加肥肠好噜 下次问下先
张贴