百味川 (已結業)

葵广嘅美食可以用百花齐放嚟形容，加完班买唔切𩠌，喺到兜一圈都绝对可以揾到啱心水嘅餐厅。行过见到百味川门口见有好几个人等紧外卖，好一阵子冇行入葵广嘅我都冇为意到呢个位置几时开咗间餐厅，六点后外卖自取仲有八折，相当吸引。一睇menu有我最爱嘅酸菜鱼同先生至爱嘅牛三宝，二话不说即刻落单。除咗非常有特色嘅米线之外，仲有唔少小食选择，饮品方面选择亦算多，仲有几款少见嘅特饮。酸菜鱼米线份量唔细，店员好细心为我哋分好汤，返到屋企依然食到口感刚好嘅米线，汤底鲜香浓郁，酸菜味好重。鱼片方面唔系一般食到嘅薄鱼片，而系比较厚身嘅龙脷柳，份量亦颇多，口感软嫩。麻辣牛魔王米线份量同样足，材料丰富，除咗牛腩、牛筋同牛肚，仲有大量酸菜，中和咗牛三宝嘅油腻感，亦令到汤底层次更丰富。三款配料之中我最钟意牛肚，口感够软腍之余好索汁，零舍入味。牛筋亦唔错，口感软嫩但又唔会太腍。手撕鸡麻香同辣味平衡，加上青瓜丝增强口感，越食越开胃。蒜泥白肉好有特色，蒜香加上白芝麻相当诱人。白肉半肥瘦，配上蒜泥毫无油腻感，食多几件都唔怕滞。冰镇奶茶入口够香够浓，味道偏甜少少，解辣必备，冻柠茶亦唔错。餐厅食物质素平均，加上晚市外卖八折实在系非常