影片
更多
2023-03-26
18 浏览
川味王琴晚去咗尖沙咀柯士甸路揾野食，见到一间串烧店门外挂满好有日本feel嘅灯笼相当吸睛，吸到我入去帮衬！呢间串烧店门口又系有一级，又要出动我块斜板嘅时候，入到去虽然店内唔算大，大约只能坐20位食客，但店员好努力帮我揾一个合适我坐嘅位置，仲搬开一张枱比我坐近门口位置！1.锡纸花甲粉（麻辣）$58（10/10）呢碗花甲粉好大碗，粉丝份量超多，绝对够2人食。花甲就好细，蚬肉无沙鲜甜，大约有20只花甲。最初第一啖食粉丝以为得少少麻辣，点知吞完粉丝先有后劲，麻辣味越来越出，仲要越来越辣，辣得好过隐👍👍👍2.汁烧原条鲜鱿鱼$40（8/10）呢个汁烧原条鱿鱼真系好旧，除咗用汁烧，仲洒上孜然同辣椒粉，鱿鱼好鲜弹牙，唔会烧得过老而好硬，烧得啱啱好！3.烧顶级厚切牛舌心$38（10/10）本来谂住叫薄切牛舌，店员话啱啱卖哂，之后改呢个顶级厚切牛舌心，牛舌心烧得非常软淋，一串有3大旧厚切牛舌心，每旧牛舌心洒上孜然同辣椒粉，真系好惹味！😋😋😋4.烧鸡软骨$28/2串（8/10）我最钟意食有骨嘅野，尤其鸡软骨，咬烂软骨嘅声好疗愈，如果加多少少孜然同辣椒粉就更好！😋5.惹味芝士烧原条茄子$48（8/10）呢个芝
琴晚去咗尖沙咀柯士甸路揾野食，见到一间串烧店门外挂满好有日本feel嘅灯笼相当吸睛，吸到我入去帮衬！
呢间串烧店门口又系有一级，又要出动我块斜板嘅时候，入到去虽然店内唔算大，大约只能坐20位食客，但店员好努力帮我揾一个合适我坐嘅位置，仲搬开一张枱比我坐近门口位置！
1.锡纸花甲粉（麻辣）$58（10/10）
呢碗花甲粉好大碗，粉丝份量超多，绝对够2人食。花甲就好细，蚬肉无沙鲜甜，大约有20只花甲。最初第一啖食粉丝以为得少少麻辣，点知吞完粉丝先有后劲，麻辣味越来越出，仲要越来越辣，辣得好过隐👍👍👍
2.汁烧原条鲜鱿鱼$40（8/10）
呢个汁烧原条鱿鱼真系好旧，除咗用汁烧，仲洒上孜然同辣椒粉，鱿鱼好鲜弹牙，唔会烧得过老而好硬，烧得啱啱好！
3.烧顶级厚切牛舌心$38（10/10）
本来谂住叫薄切牛舌，店员话啱啱卖哂，之后改呢个顶级厚切牛舌心，牛舌心烧得非常软淋，一串有3大旧厚切牛舌心，每旧牛舌心洒上孜然同辣椒粉，真系好惹味！😋😋😋
4.烧鸡软骨$28/2串（8/10）
我最钟意食有骨嘅野，尤其鸡软骨，咬烂软骨嘅声好疗愈，如果加多少少孜然同辣椒粉就更好！😋
5.惹味芝士烧原条茄子$48（8/10）
呢个芝士烧茄子好邪恶，芝士超多「杰挞挞」，成旧芝士一齐拉丝，芝士有少少咸，但芝士同茄肉系分离咗，如果芝士用火枪烧多一阵就更好！😋
6.罐装汽水：忌廉同芬达 每罐$12（9/10）
贵咗少少，有得解渴就唔理啦！
2人总共价钱$236
个人口味总评分：8.83/10
地址：尖沙咀柯士甸路17号丰乐大厦地下2号舖
张贴
