影片
更多
2024-06-01
350 浏览
朋友生日想食镬气小炒，我第一时间谂到佐敦呢间神灯海鲜酒家！餐厅面积都算几大，大多数系圆枱，可供朋友聚会或家庭聚餐，另外都有卡位雅座。呢度嘅招牌菜式真系几多，款款都非常吸引！其中我最推荐食佢哋招牌菜黑松露玻璃烧鹅，出面食唔到咁好味，非常抵赞！烧鹅卖相好特别，外皮呈黑色，非常有光泽，黑松露味惹味又特别，另外附有两碟酱料，一碟系加咗黑松露嘅酸梅酱，酸咪味好开胃，另一碟就系烧鹅汁，咸香中带有几分甜味。烧鹅皮薄而香，轻轻一挑就甩咗皮，皮内有层油脂，几香口，唔算太肥，鹅肉质嫩滑，尤其系鹅脾啖啖肉，实在太好味啦！另一款必食招牌菜：糯米炒膏蟹 一大锅新鲜滚热辣端上黎，要小心锅边热。劲多蟹膏，真系不得了，见到都开心！生炒糯米饭充满蟹嘅鲜甜味，粒粒饭米非常爽口，锅边有饭焦好香口，蟹肉扎实大块，份量仲相当多。即烧乳猪 -卖相唔错，乳猪皮好脆，肥瘦适中，乳猪肉质juicy嫩滑。南乳脆香骨，大大碟好抵食，南乳惹味，肉质唔错！蟹肉菠菜豆腐盒，呢道菜都非常不错，送饭一流，菠菜吸咗蟹肉嘅鲜味，同豆腐非常夹！埋单送甜品，服务态度亲切有礼，下次仲会再帮衬！就嚟到端午节，佢哋仲推出粽限定早鸟优惠，有怀旧烧鸭火腿粽同鲜肉红豆
朋友生日想食镬气小炒，我第一时间谂到佐敦呢间神灯海鲜酒家！餐厅面积都算几大，大多数系圆枱，可供朋友聚会或家庭聚餐，另外都有卡位雅座。
呢度嘅招牌菜式真系几多，款款都非常吸引！
其中我最推荐食佢哋招牌菜黑松露玻璃烧鹅，出面食唔到咁好味，非常抵赞！
烧鹅卖相好特别，外皮呈黑色，非常有光泽，黑松露味惹味又特别，另外附有两碟酱料，一碟系加咗黑松露嘅酸梅酱，酸咪味好开胃，另一碟就系烧鹅汁，咸香中带有几分甜味。
烧鹅皮薄而香，轻轻一挑就甩咗皮，皮内有层油脂，几香口，唔算太肥，鹅肉质嫩滑，尤其系鹅脾啖啖肉，实在太好味啦！
另一款必食招牌菜：糯米炒膏蟹
一大锅新鲜滚热辣端上黎，要小心锅边热。劲多蟹膏，真系不得了，见到都开心！生炒糯米饭充满蟹嘅鲜甜味，粒粒饭米非常爽口，锅边有饭焦好香口，蟹肉扎实大块，份量仲相当多。
即烧乳猪 -卖相唔错，乳猪皮好脆，肥瘦适中，乳猪肉质juicy嫩滑。
南乳脆香骨，大大碟好抵食，南乳惹味，肉质唔错！
蟹肉菠菜豆腐盒，呢道菜都非常不错，送饭一流，菠菜吸咗蟹肉嘅鲜味，同豆腐非常夹！
埋单送甜品，服务态度亲切有礼，下次仲会再帮衬！
就嚟到端午节，佢哋仲推出粽限定早鸟优惠，有怀旧烧鸭火腿粽同鲜肉红豆粽两款，见到都好吸引！
张贴
