烏蠅館 (已搬遷) 新店位置

近排天气回暖，但对我来讲都仲系好冻。朋友提议去食烤鱼保暖😂！ 我食鱼唔叻，好怕有骨！但朋友极力推荐，就决定试一试！去到呢间叫做乌蝇馆嘅餐厅，个名好似有少少怪怪地，一入到餐厅就闻到强劲嘅香味， 有小小想流口水！ 侍应先生好落力详细咁解释烤鱼套餐嘅资料，由于我食鱼唔叻，所以想拣啲小骨嘅， 佢提议左食龙趸鱼。 338蚊有龙趸鱼同埋三个是令素菜，价钱合理！今次第一次试，就决定试个小辣先！ 等咗大约15分钟就有得开餐， 鱼嘅质素非常之高，鱼肉好滑，唔会鞋口， 鱼骨亦都唔多， 好啱我呢个食鱼白痴吃！😂 另外我同朋友就追加左鹌鹑蛋，宽粉，同埋淮山。鹌鹑蛋嘅份量好多，性价比高！宽粉喺食到最尾嘅时候放落去个汤度，吸收晒个汤嘅精华！另外再叫多一杯桂花蜂蜜， 朋友就叫咗乌龙茶， $18嘅价钱，连杯嘢饮都好足料，见到佢杯乌龙茶有大量嘅靓茶叶！ 已经决定嚟紧好快会再食多次， 不过下次一定会食得更辣！🤤