Marine Seafood Bar & More (已結業)

平时都会去日升中心午餐，晚餐都系第一次。我同朋友搭扶手电梯上去，想睇下有无其他特别嘅餐厅，结果俾我地系角落入边揾到间新开嘅餐厅，一于入去试下！餐厅几阔，坐得几舒服，而且不会赶客，系朋友gathering 倾计嘅最佳选择。我见菜单上有不同的主菜，小食都有好多款。餐厅侍应推荐肉眼扒，钟意食牛嘅朋友可以试下。一人白酒生蚝套餐杯香槟甜甜地，都几易入口。生蚝好新鲜，系即开嘅，食完仲未够喉，所以再加多六只，一只$9 ，好抵食！炸美国薯条（黑松露芝士酱）薯条好大碟，系平时嘅三倍份量，我哋两个人都食唔晒。薯条热辣辣，炸得啱啱好，黑松露芝士酱几creamy，好味！软壳蟹牛油果竹炭汉堡第一次食竹炭汉堡，都几特别，软壳蟹炸得好松脆，加埋牛油果的香味，好match。开始仲惊唔够饱，但除汉堡外，仲有薯角同杂菜，菜好鲜嫩，份量十足！黑松露带子意大利饭好香嘅黑松露味，带子新鲜，都好大粒下，都只系一百蚊左右，性价比高。整体来讲，餐厅环境舒适，食物份量足，味道不错，值得再来。