加多娜天然酵母手作麵包店

营业中

休息中

出开九龙，为左食加多娜嘅面包，天气好热都特意由佐敦行过去油麻地，可见啲包对我有好大吸引力。基本上呢间面包店长期都好多人，每次去都要排队，系差在在店入面打蛇饼定排出街，今次亦无例外，成间舖塞满左忠粉，仲有海量游客。如果有人维持秩序就好，因为我俾钱时真系俾人打咗尖，都唔想出声嘈了。究竟系咩吸引左我去排长龙，并唔系佢个出晒名嘅面包布甸，亦唔系3Q饼，而系佢个焙茶Bagel。以前第一次食，惊为天人，今转第N次食亦无例外，保持一贯水准。个包软得黎有啲chewy，比一般嘅bagel 易𡁻。加上超浓郁嘅焙茶香味，中和左啲cream cheese/乳酪嘅油腻感，细细个唔太滞，做下午茶一流。今次顺道试埋佢个开心果泡芙，入面嘅开心果馅料好滑好creamy，皮亦很薄，但整体甜左啲，开心果味亦不算太突出，对我黎讲份量颇大，食完有啲"漏"嘅感觉。期待下次可以买到开心果烧饼，睇下会否比泡芙好食。