回春

营业中

休息中

位于荔枝角嘅特式小店秘制冬阴青口海鲜蝴蝶粉 $108冬阴公酸酸辣辣，非常开胃。有青口，蚬肉，墨鱼等海鲜，都新鲜，青口肉质鲜甜，蝴蝶粉吸哂汤汁，食落去弹牙有嚼劲，味道层次分明。黑松露白菌意大利饭 $88意大利饭煮得啱啱好，饭粒略带咬口，黑松露嘅香气同白菌嘅鲜味结合得非常好，食落去香味四溢，唔会过重，反而好清爽。大福雪糕牛角包窝夫 $128牛角包外脆内软，配埋窝夫嘅香脆口感，食落去松化得嚟又唔会太腻。仲以为有糯米皮嘅雪糕添😳雪糕冰凉香甜，同窝夫好夹，仲有新鲜golden Kiwi，邪恶得嚟又带点健康🫢火龙果杞子莓莓燕麦奶昔 $38叫咗少糖，呢杯奶昔嘅颜色好靓，火龙果同莓果嘅味道好清新，杞子带嚟少少甜味，燕麦奶嘅口感顺滑，饮落去唔会太甜，健康得嚟又有饱肚感，非常解渴。冻白茶好清雅，饮完好解腻。