柳和亭

营业中

休息中

串烧都有三款味拣有香辣、酱烧、盐烧。点完串烧之后店舖都好细心，会喺碟下面点蜡烛，咁就可以同班friend慢慢倾偈慢慢食，啲串烧唔会冻晒。下次去要试埋佢嘅画碟服务！牛舌呢个牛舌真系一定要点，一串有两块。试咗酱烧同盐烧，个人钟意盐烧多啲。串烧烧到外脆内软，牛舌肉质超级腍。小小嘅咸味仲可以增加牛肉嘅鲜味，真系超级推介！翠玉瓜香辣味嘅翠玉瓜好惹味，原本淡味嘅翠玉瓜即刻变到劲吸引。个辣有啲似七味粉，好香口又唔会过辣。松阪猪呢个亦都系拣咗盐烧，个串烧烧到外面啲边边好脆，而且个肉唔会好油，食到唔停口！鳗鱼忌廉烩饭饭嘅份量都好多。上面有一条完整嘅鳗鱼，而下边个饭亦都整到啱啱好唔会过硬。