花月宮 (已結業)

今日又去咗尖沙咀行街去到晚餐时间醒起有一间食打边炉几好食就决定去呢间餐厅食晚餐。呢间餐厅嘅汤底有非常多特色嘅选择，今次我哋就拣咗黑松露野菌锅，一上锅就已经闻到好大浸嘅黑松露味，而且成个煲入边有好多唔同种类嘅菇，包括冬菇，鸡髀菇等等既菇类非常丰富。顶级安格斯牛小排啲牛肉挂晒喺个木架上边非常适合打卡，油花分布平均，食落牛味浓郁口感嫩滑真系必点之一。风花雪月手工丸拼盘餐厅用上中国风设计嘅木架黎放置手工丸，真系非常之靓，一共有六款唔同嘅丸类包括有墨鱼丸，鹅肝丸，流心芝士墨鱼丸，鲜虾丸，同埋干贝丸，粒粒都非常之新鲜弹牙，入口非常之有咬口啊！蟹肉海皇饺平时猪肉馅嘅饺子就食得多，呢个系用上咗蟹肉同埋鲜虾制造嘅，饺子皮非常薄入口鲜甜。