甘飯館 (已結業)

家族关系丶历史渊源⋯什么什么的，统统放低，只当佢系一间新开小菜馆，佢嘅食物其实几滋味，环境丶服务亦令人满意，3个人食$600，吹咗个零钟水，几抵。今次醒目book定枱，8:30pm黎到，餐厅接近full， 虽店子细细，好在3个老友相聚都俾张5人枱我，坐得舒服唔迫「硖」。食「子姜皮蛋」系指定动作，溏心皮蛋蛋黄「郎郎吓」，就好似同我讲紧「come on baby！快d食我啦」，立即夹片最大片嘅子姜连同皮蛋，一拼塞入口，好味啊！其实⋯3件皮蛋我一个人都食得晒。 朋友介绍食锅贴虾（件计）。个底松脆，只略嫌㶶咗少少，虾胶咬落爽弹，沾沙律酱食，可去油腻感。金牌烧鹅（例牌）：皮香而不脆，皮肉中夹层脂肪，鹅肉有嚼劲而无渣。朋友建议食件连骨少鹅肉嘅，正正系我细个时喺广州食烧鹅嘅味道，我揾咗你好多年你知唔知。烧鹅用五香豆塾底（其实我都唔知佢正确个名，不过细个时妈妈好钟意买黎食）。硕大鲮鱼球，新鲜热辣，弹牙，有鱼香，沾咸香蚬芥一齐食，赞口不绝。其实仲叫左个八珍豆腐煲，个豆腐几好食，外酥内软，系个𩠌偏浓味少少。有无人可以话我知佢个名系唔系叫「五香豆」定「豉油豆」？好满足的一餐。