諾亞半熟蛋糕專門店 (已結業)

上个月尾去诚品时发现左呢间半熟蛋糕小店，见新推出左有忌廉哥同忌廉嫂唛头(得一个款)嘅半熟蛋糕杯，可以成只杯带返屋企架!忌廉哥太可爱啦！半熟蛋糕听得多，但未食过，贪个杯得意就买左来试。我一直以为半熟蛋糕系热食，原来系冻食架。开头无为意食法，一到手即刻食，感觉好似食紧雪糕咁，心谂:「下!?又话半熟?点解咁实架?」原来。。。系要先摊几分钟先食架，解冻3-5分钟左右，见中间果层开始融化，呢个时候食就明白咩叫半熟蛋糕啦！感觉系食紧雪糕蛋糕咁，入口即溶化，蛋味浓郁，绵绵口感食落好特别，夏天食更佳!杯装半熟蛋糕有原味同朱古力两款口味，下次经过会试下朱古力味! 以前经过九龙城见到呢间分店刚开张时已经想试，但果时无呢d细杯装，唔想成个cake买，所以一直都无试到。今次见一个人唔太饿，想食小小野，细细杯就good fit啦!