影片
更多
2015-10-24
1801 浏览
Yoho Mall (形点)贵为元朗新浦点，当然唔少得一d新餐厅。不过讲开又讲，咁新时代广场系边度？新元朗中心个名仲用唔用？几十个名搞到连的士大佬都乱乱地，睇黎同司机讲 Yoho Mall/Midtown 最稳阵。家上海系香港暂时只此一间，走现代化路线，内里暗沈色调用上彩色花窗作装饰，不失一点旧味道。入口处可以见到师傅制作食物，有包点、面类、糕点等，为等候中既食客提供现场娱乐，招数虽旧，但普遍见到都几受落，不时聚了几位好奇心重的朋友观摩一番。茶具颇为精致，不过容量稍细，3至4人都要成日加水。值得一睇当晚服务员态度友善而且都非常细心，不时留意我地既状况。其实都唔系第一次黎，而有一样点心次次都会食，就系脆煎小笼包！今晚就叫左砂锅云吞鸡（半份），脆煎灌汤小笼包同埋煎小黄鱼。初初以为半份砂锅云吞鸡会少好多，点知都够起码4人食。色泽奶白，成个砂锅都被云吞占据住，睇落都觉得足料。汤味道够，但鲜甜味略有不足，唔知道系咪d菜唔够甜而令到味道未能完全发挥，可惜可惜。话虽如似，纵使未系上品都足够令我饮完又添，添完又饮，而且饮完之后一d口渴既感觉都无，相信味精方面大家可以放心。云吞涨卜卜，馅料绝对唔欺场，属
不过讲开又讲，咁新时代广场系边度？新元朗中心个名仲用唔用？
几十个名搞到连的士大佬都乱乱地，睇黎同司机讲 Yoho Mall/Midtown 最稳阵。
家上海系香港暂时只此一间，走现代化路线，内里暗沈色调用上彩色花窗作装饰，不失一点旧味道。
入口处可以见到师傅制作食物，有包点、面类、糕点等，为等候中既食客提供现场娱乐，招数虽旧，但普遍见到都几受落，不时聚了几位好奇心重的朋友观摩一番。
茶具颇为精致，不过容量稍细，3至4人都要成日加水。值得一睇当晚服务员态度友善而且都非常细心，不时留意我地既状况。
其实都唔系第一次黎，而有一样点心次次都会食，就系脆煎小笼包！
今晚就叫左砂锅云吞鸡（半份），脆煎灌汤小笼包同埋煎小黄鱼。
初初以为半份砂锅云吞鸡会少好多，点知都够起码4人食。色泽奶白，成个砂锅都被云吞占据住，睇落都觉得足料。
汤味道够，但鲜甜味略有不足，唔知道系咪d菜唔够甜而令到味道未能完全发挥，可惜可惜。
话虽如似，纵使未系上品都足够令我饮完又添，添完又饮，而且饮完之后一d口渴既感觉都无，相信味精方面大家可以放心。
云吞涨卜卜，馅料绝对唔欺场，属肉味重而菜偏少。
小笼包蒸好再煎香底层，令小笼包多一个花款，喜爱与否见仁见智，我就几中意。一啖咬开蒸气马上逃跑，我先吸啜汤汁，渺汁滚烫到辣亲嘴唇，但中菜大多数都系越热就越想食，轻轻吹两口又急不及待要品尝个小笼包。
汤汁充满成个小笼包，满足感100％，食既时候除左平常既口感，仲有一层脆脆感觉夹杂其中，非常过瘾。
此外小黄鱼未黎得切影相已经被人分尸。煎得香脆而又唔会过份熟，味道鲜又唔过咸，可以话系洽到好处。
整体黎讲家上海俾到我印象都唔错，食过3次当中 80% 以上食物都非常满意，服务又细心，所以就算唔系抵食都忍唔住再黎帮衬，特别系个脆煎小笼包，已经系每次必食之选！
张贴
