影片
更多
2008-10-27
154 浏览
上星期五晚同班党友饮完嘢吹完水, 见天气有d凉意, 大家不约而同都怀念起利兴d羊腩煲, 落到去成十点半, 竟然座无虚席, 要揾老板仔搅掂张台比我哋. 坐低就二话不说即要咗个煲, 一双啤酒, 环顾四周, 有约一半嘅枱都食紧羊腩煲, 成个场都香喷喷(如果中意羊肉膻味嘅话), 个煲嚟到再滚番起之后大家都等唔切要起筷, 事隔半年, 结果无令我哋失望, d羊腩好香好入味, 连羊皮𠮶d先正, 炆得够'林'口可以中和咗d肉嘅粗'鞋'仲美味, 其次仲有入晒肉味嘅腐竹醮腐乳浆又系绝配, 最后一定要落埋d唐生菜'索'埋d汁食就够享受勒, 扫完个煲之后其实都唔在乎其他小菜, 其实都ok ka. 通常冬天除咗羊腩煲外就系喺到打鞭炉, 夏天就嚟食潮州打冷, d鹅片鹅肠又系好正, 呢度无论你点食点饮都系几十蚊一个人, 上次我哋都系夹咗六十蚊已经食到好到顶. 价钱好平民化下, 下次揾日天气涷d再落去打鞭炉.
张贴