影片
更多
2011-01-15
37 浏览
今日(15-1-2011 Sat)同男友去完factory outlet后,同佢出去食o野至返工啦,我谂住去油麻地,佢话去尖沙咀,但尖沙咀选择太少,佢谂起呢间.吓!?又呢间?啊.o黎到,只系员工食o紧饭,我o系门口已经见到有忌廉南瓜糕,觉得好特别,所以要记住佢.我o地谂好喇,男友要$23.00o既香茅猪扒攦粉要小酸辣,加$6.00要冻罗汉果茶.我要$23.00o既芝心云吞攦粉,但未有.咁就要$20.00o既清汤扎肉攦粉啦,饮咩呢?唔…..冻朱古力啦,都系加$6.00.再要多件$4.00o既忌廉南瓜糕.等o左一阵,男友o既冻罗汉果茶到o黎,系一支细胶樽庄o黎.佢一饮就即话好下火,我饮一啖,味道清清地,易入口.睇吓个樽,原来有夏枯草,唔怪得易啲入口啦,不过我都系唔钟意饮o既.之后我o既冻朱古力o黎喇,饮吓先,唔….唔甜o既?味道又淡淡,唔系几得啊.味道: 2.5分我o既扎肉攦粉都到啦,有5片扎肉,扎肉口感同攦粉一样弹牙,唔错.味道: 4分之后男友o既酸辣攦粉先到,亚姐交带一声猪扒后上,食o左一阵,佢o既香茅猪扒到o黎,一件唔太大件,剪好o左成食几件,我又试一片先,哗!好热好热,不过我食唔到
o黎到,只系员工食o紧饭,我o系门口已经见到有忌廉南瓜糕,觉得好特别,所以要记住佢.我o地谂好喇,男友要$23.00o既香茅猪扒攦粉要小酸辣,加$6.00要冻罗汉果茶.我要$23.00o既芝心云吞攦粉,但未有.咁就要$20.00o既清汤扎肉攦粉啦,饮咩呢?唔…..冻朱古力啦,都系加$6.00.再要多件$4.00o既忌廉南瓜糕.
等o左一阵,男友o既冻罗汉果茶到o黎,系一支细胶樽庄o黎.佢一饮就即话好下火,我饮一啖,味道清清地,易入口.睇吓个樽,原来有夏枯草,唔怪得易啲入口啦,不过我都系唔钟意饮o既.
之后我o既冻朱古力o黎喇,饮吓先,唔….唔甜o既?味道又淡淡,唔系几得啊.
味道: 2.5分
我o既扎肉攦粉都到啦,有5片扎肉,扎肉口感同攦粉一样弹牙,唔错.
味道: 4分
之后男友o既酸辣攦粉先到,亚姐交带一声猪扒后上,食o左一阵,佢o既香茅猪扒到o黎,一件唔太大件,剪好o左成食几件,我又试一片先,哗!好热好热,不过我食唔到香茅味,男友食完成件猪扒话味精好重.
味道: 2.8分
忌廉南瓜糕,呢个可能个男仔唔记得帮我o地叫,我问亚姐呢个热食定冻食,重未有.佢就帮我o地拎o黎.同样,鲜黄色o既糕点cut开成四件,我先食,食到有啲南瓜味,里而都有南瓜肉,而忌廉味呢,都有少少o既.
味道: 2.8分
之后我又睇吓其他o野,见到有$4.00一件o既豆沙西米盏,好似好吸引咁,又有$4.00一件o既菜角,又忍唔住叫每样一件.
呢两个系热食o既,o黎到,见到豆沙西米盏都几大件,但豆沙馅偏少,西米层太厚,亦都帮我o地切成两件.我又食先喇,豆沙好滑好味,可惜真系太少,西米部份冇乜问题.
味道: 3.8分
而菜角呢,同样切开两件,内里多数萝卜粒,咸咸地,味道好足.
味道: 3分
上次食评: http://www.openrice.com/restaurant/commentdetail.htm?commentid=2128660
张贴