順利粥品

营业中

休息中

小黄成日都系果句，小西湾系冇野食的...尤其是粥同炸两，更系非出番去柴湾食不可，而当中又只有冠华楼同渔湾街市可以拣，但奈何前者劲早收炉，下午要食粥唯有上街市食顺利啦...其实自己都不是第一次帮衬顺利，基本上次次都系叫皮蛋鱼片粥拼炸两。感觉上粥底只可算是不过不失，热辣辣生滚的差极有个谱，同埋每次食，材料都几足够，算系唔错。但炸两就真系令人失望，食咁多次，冇一次系热的...同埋好同意楼下KC的说法，极有理由相信佢O的油条系人地交俾佢...因为记忆中新鲜炸的油条系好香好脆的...但而家...唉...不过老实讲，街边即炸油条O既小贩档而家仲边有呀...不过都算啦...我估呢间野应该系家庭式经营，近排好似多O左过操内地口音O既靓女帮手，虽然唔太识做野，不过正所谓秀色可餐，净系呢点都要加满分啦(希望各位见谅^^)。