山頂餐廳酒吧 (已結業)

本打算去sift试下米芝莲甜品，点知摸门钉，临时改地点。Happy hour时段，我o地每人都叫了杯饮品。其实大家的目的是分享miss远道带来的手信及志在吹水倾计，所以叫的食物不算多。Snack combo-我觉得有点似印度式小食并盘，有烧鸡、炸鱿鱼、炸角仔、印度薄饼、三文鱼薄饼等等，另配以两款酱汁。我只食了烧鸡、炸鱿鱼，烧鸡唔错，鸡肉唔会又韧又实。夏威夷鸡pizza-料几野味，可惜批底是淋的。Baby Rib-好差好差，又干又实，都几难食，伴配的薯条又是谂的，最好食竟然系大大粒的蕃茄，又多汁又清甜。有几个女仔，甜品当然唔少得，款式竟然多过主菜。Apple crumble-crumble好失败，好谂唔得脆，玉桂味唔浓，对我来讲非常好。朱古力cream brulee-质地几滑，朱古力味刚好，而且又唔太甜。Truffle cake-我嫌朱古力唔够浓，再浓番少少就更加好。椰子香蕉蛋榚-椰子味盖过香蕉味，当中有D椰丝及合桃，口感好好，不过味道非常之甜。而伴碟的香蕉雪榚，奶味唔算重，香蕉味就好香，学miss话斋，香蕉做甜品真系好适合的。又食又倾，好快又过了一个开心的晚上。