影片
更多
2023-07-24
1573 浏览
说来惭愧，咁大个女先第一次去志莲净苑，但去完就明白点解会系旅游景点。除咗到佛寺参拜之外，仲可以参观大型嘅仿唐建筑群打卡影相，更加有斋菜食😛不过由于见到志莲素斋门口贴出请勿拍摄嘅告示，所以入餐厅就冇再影相，只有文字记述～容许我今个Post图文不符🙈▫️五福拼盘 小$160有红菜头沙律、酱烧菌、紫甘蓝醋粉皮、风味碧玉同香麻海苔面根，调味大多系酸微微好开胃，全部都几好食！最有惊喜系风味碧玉，原来系青瓜苗，第一次食觉得个口感几得意😳有啲似变咗丝瓜（？！）未食过都值得试吓！▫️酥炸海苔卷拼香草芝士卷 $120双拼每款各有4件，海苔卷似炸过嘅脆皮腐皮卷，芝士卷口感比较油腻，味道亦淡，冇乜芝士味🫠▫️地衣牛肝菌白玉炒饭 例$148估唔到素炒饭都可以咁香！啲饭粒粒分明，虽然唔算太干身，但混合松子、菇菌同瓜粒口感丰富，份量亦够两个人食😎总结！餐厅环境静雅，望住出面嘅水车磨坊好似置身水廉洞咁。虽然价钱略贵，但系系洗涤心灵之选，值得嚟参观时顺道一试！⋆ ⋆ ⋆ ⋆ ⋆ ⋆ ⋆ ⋆ ⋆ ⋆ ⋆ ⋆喜欢以上内容欢迎到IG👉🏻gowithkaki睇更多分享🫶🏻🫶🏻🫶🏻
不过由于见到志莲素斋门口贴出请勿拍摄嘅告示，所以入餐厅就冇再影相，只有文字记述～容许我今个Post图文不符🙈
▫️
五福拼盘 小$160
有红菜头沙律、酱烧菌、紫甘蓝醋粉皮、风味碧玉同香麻海苔面根，调味大多系酸微微好开胃，全部都几好食！最有惊喜系风味碧玉，原来系青瓜苗，第一次食觉得个口感几得意😳有啲似变咗丝瓜（？！）未食过都值得试吓！
▫️
酥炸海苔卷拼香草芝士卷 $120
双拼每款各有4件，海苔卷似炸过嘅脆皮腐皮卷，芝士卷口感比较油腻，味道亦淡，冇乜芝士味🫠
▫️
地衣牛肝菌白玉炒饭 例$148
估唔到素炒饭都可以咁香！啲饭粒粒分明，虽然唔算太干身，但混合松子、菇菌同瓜粒口感丰富，份量亦够两个人食😎
总结！餐厅环境静雅，望住出面嘅水车磨坊好似置身水廉洞咁。虽然价钱略贵，但系系洗涤心灵之选，值得嚟参观时顺道一试！
⋆ ⋆ ⋆ ⋆ ⋆ ⋆ ⋆ ⋆ ⋆ ⋆ ⋆ ⋆
喜欢以上内容
欢迎到IG👉🏻gowithkaki
睇更多分享🫶🏻🫶🏻🫶🏻
张贴
