京林屋 (明宮閣) (已結業)

黎到太古食饱晚饭最岩就系周围行下揾下有咩甜品好食，行行下我地就入左去京林屋喇 之前系铜锣湾食过要大排长龙，可能今日系闲日关系，太古呢间分店马上就可以入座了。虽然岩岩𠮶餐食到几饱，但系眼阔肚窄既我地依旧叫左一份秘制抹茶蕨饼、焙茶馅蜜、抹茶者喱雪糕、抹茶卷蛋糕同埋一杯温黑豆茶，望落店员个样都比我地吓一吓咁，但大家都觉得甜品系属于另一个胃温黑豆茶不得不赞的一杯茶，饮落口黑豆味好出好舒服，饮开其他绿茶各式特饮既朋友不仿可以试下，包你有惊喜~抹茶者喱雪糕经典好好食既绿茶雪糕，喜好绿茶的人作为甜品实在不错!秘制抹茶蕨饼名不虚传的必叫之选，蕨饼加上DIY的抹茶粉和黑糖浆，甜度岩岩好，一口抹茶味，唔系热爱绿茶既朋友都觉得正!焙茶馅蜜 个人感觉就好似焙茶版既抹茶者喱雪糕，无论系者喱定雪糕都好香焙茶味，岩哂本身唔系热爱绿茶既我!抹茶卷蛋糕蛋糕每一啖都系绿茶味，配合雪糕同白玉黎食又唔会食到好腻，朋友仔非常钟意!顺带一提，京林屋除左甜品好食之外，其实仲有主食可以order，例如有鳗鱼饭同乌冬等，不过我地就未试过喇~ 下次一于早啲去食，咁就晚餐同甜品都可以系同一地方搞掂啦，哈哈