上海佬蟹莊 (已結業)

今年终于有机会试到上海佬既大闸蟹啦，今次就试左个大闸蟹餐，$598/人。前菜既醉鸡无骨啖啖肉，酒味香浓； 蟹拑冻既蟹肉份量其多而且蟹肉都劲甜；蒜香小黄瓜好清新爽口；黑鱼子熏蛋系流心蛋，熏蛋既香味加埋黑鱼子，将一只普普通通既蛋变得不再平凡。蟹粉文思豆腐羹，豆腐切到好幼细而且好滑，加埋好多蟹肉，蟹肉既甜令成个豆腐羹变得好味。清蒸江苏太湖大闸蟹，最传统既方法永远都系最好！清蒸可以保留到蟹既鲜甜，蟹膏既份量多到令人兴奋，而且都几足料，呢只蟹都几靓真心。蟹粉黄金砖，豆腐炸到好香脆，加埋蟹粉蟹肉，虽然呢个好普通，但系食唔停口！蟹粉拌面，上海面都几弹牙，蟹粉沾晒系啲面度，好满足！仲有清炒豆苗，食左咁多蟹粉最后食埋个菜中和下都唔错。蟹粉小笼包，呢个就相对蟹粉味无咁浓但肉汁丰富，同埋如果个皮可以再薄就好了。食完蟹当然要饮姜茶啦！甜品系紫薯姜茶汤圆，姜茶唔会话好辣，紫薯汤圆有皮系好似介乎糯米滋同水晶包既口感，介紫薯蓉系真紫薯，而唔系用紫薯粉，呢个糖水划上左个完美既句号。