嵐橋日本料理

营业中

休息中

同饭脚黎呢度忘忧一下，充电给我positive power! 几钟意呢度环境，有居酒屋嘅服务同日本食材嘅餐厅，沿楼梯上一层已经feel到个种和风味道。七味莲藕片，比薯片更厚实嘅味道，七味粉同炸香浓郁左莲藕味，好食过薯片，香口开胃。芝士年糕，烟韧香口芝士夹心，外包紫菜香又脆。刺身不能少，用紫菜包住池鱼他他，池鱼上有炸姜丝，鲜味之余仲加添独特香味。超肥美厚切油甘鱼腩系我至爱，油脂感极高，油腴丰富口感，正到晕。北寄贝爽鲜甜，正！鹿儿岛黑豚露笋卷同牛小排青葱卷，juicy香口中不失清新露笋同青葱味，个人黎讲十分喜爱。盐烧油甘鱼鲛大大碟，烧得皮脆又香喷喷，都几正！乳白色鲷鱼汤底嘅锅烧乌冬，香浓鲜味，乌冬滑溜，又饱又暖胃。最后食个日本雪糕代表之一，兼有日本地道风味嘅黑芝麻雪糕同豆腐雪糕，个心开哂，充满正能量！