影片
更多
2021-09-09
60 浏览
第一次同男朋友食法国菜，庆祝纪念日。呢间野要提早book定位，佢会介绍当日嘅菜式，系book位嘅时候落单。好钟意呢度嘅环境，超级宁静，而且真系可以慢慢享受晚餐，慢慢倾偈。真系觉得book啱餐厅庆祝周年纪念日。以下系我哋嗌嘅菜式。辣肉肠沙律沙律菜配上橄榄、黑醋、辣肉肠，估唔到辣肉肠个味同黑醋都夹到。清新得来有少少咸香。白酒牛油汁煮蚬呢个简直系惊喜，白酒牛油汁嘅奶油香配搭上新鲜嘅蚬，再加上香草，好足鲜味。我忍唔住饮咗几啖牛油汁，不过真系好肥。食到我舔舔脷。我觉得佢同餐包会好夹，好可惜我食完先谂起呢样野。龙虾汤依家龙虾汤绝对系我饮过最好饮嘅龙虾汤。系会忍唔住一啖有一啖咁饮！佢嘅龙虾味好出，有浸又香又鲜嘅味道。我饮过好多唔同地方嘅龙虾汤，个感觉都好化学。黑毛猪扒、烧春鸡呢两个主菜净系伴碟都好吸引。佢煮得个肉质好好，味道都唔差。心太软、朱古力慕丝朱古力味劲浓，唔会太甜，真系好怕太甜嘅甜品，呢两款朱古力甜品就啱啱好！总括而言，我哋两个人都好满足，食咗两三个钟，渡过左愉快嘅一晚。🥰
好钟意呢度嘅环境，超级宁静，而且真系可以慢慢享受晚餐，慢慢倾偈。真系觉得book啱餐厅庆祝周年纪念日。
以下系我哋嗌嘅菜式。
辣肉肠沙律
沙律菜配上橄榄、黑醋、辣肉肠，估唔到辣肉肠个味同黑醋都夹到。清新得来有少少咸香。
白酒牛油汁煮蚬
呢个简直系惊喜，白酒牛油汁嘅奶油香配搭上新鲜嘅蚬，再加上香草，好足鲜味。我忍唔住饮咗几啖牛油汁，不过真系好肥。食到我舔舔脷。我觉得佢同餐包会好夹，好可惜我食完先谂起呢样野。
龙虾汤
依家龙虾汤绝对系我饮过最好饮嘅龙虾汤。系会忍唔住一啖有一啖咁饮！佢嘅龙虾味好出，有浸又香又鲜嘅味道。我饮过好多唔同地方嘅龙虾汤，个感觉都好化学。
黑毛猪扒、烧春鸡
呢两个主菜净系伴碟都好吸引。佢煮得个肉质好好，味道都唔差。
心太软、朱古力慕丝
朱古力味劲浓，唔会太甜，真系好怕太甜嘅甜品，呢两款朱古力甜品就啱啱好！
总括而言，我哋两个人都好满足，食咗两三个钟，渡过左愉快嘅一晚。🥰
张贴
