404
16
14
餐厅: Le Paradis Cafe & Restaurant
优惠: 于此国泰伙伴餐厅用餐赚里 !
国泰会员于伙伴餐厅消费可赚高达HKD4 = 2里数。受有关条款约束。
条款及细则:
  • 国泰会员每次可赚取「亚洲万里通」里数之消费额上限为港币10,000元。
  • 会员凡于国泰伙伴餐厅作合资格消费,每港币4元可赚取2里数。而渣打国泰Mastercard®客户凭卡消费可享每港币4元赚取2里数,包括合作伙伴餐厅合资格消费之餐膳里赏(每港币4元赚取1里数)及基本餐饮类别之合资格签账奖赏(每港币4元赚取1里数)。
  • 赚取之「亚洲万里通」里数将根据餐饮与膳食消费,包括服务费、税项及小费的总和而计算。
  • 惠顾特定推广套餐或不可赚取「亚洲万里通」里数。请预先向个别「赚里餐厅」查询。
  • 赚取的「亚洲万里通」里数将于认可餐膳消费交易后10个工作天内存入会员的账户。
须受其他国泰条款及细则约束。
港铁尖沙咀/尖東站 B1 出口, 步行约5分钟 继续阅读
电话号码
44003900
开饭介绍
坐落尖沙咀鬧市中的精緻法國餐廳,為客人帶來浪漫舒適的用餐環境,法國菜式由頭盤,餐湯到主菜及甜品,均由大廚自行研製,別出心裁 講求原材料質素及醬料的完美配搭 继续阅读
营业时间
今日营业
18:00 - 23:00
星期一至日
18:00 - 23:00
公众假期
18:00 - 23:00
公众假期前夕
18:00 - 23:00
付款方式
Visa Master AlipayHK 支付宝 现金 美国运通 银联 BoC Pay OpenRice Pay 云闪付
座位数目
30
其他资料
网上订座
Wi-Fi
酒精饮料
自带酒水
切蛋糕费
电话订座
赏订座积分
加一服务费
室外座位
电视播放
当面支付
以上资料只供参考,请与餐厅确认详情
有关奖赏计划
优惠
餐厅: Le Paradis Cafe & Restaurant
优惠: 国泰会员于伙伴餐厅消费可赚高达HKD4 = 2里数。受有关条款约束。
条款及细则:
  • 国泰会员每次可赚取「亚洲万里通」里数之消费额上限为港币10,000元。
  • 会员凡于国泰伙伴餐厅作合资格消费,每港币4元可赚取2里数。而渣打国泰Mastercard®客户凭卡消费可享每港币4元赚取2里数,包括合作伙伴餐厅合资格消费之餐膳里赏(每港币4元赚取1里数)及基本餐饮类别之合资格签账奖赏(每港币4元赚取1里数)。
  • 赚取之「亚洲万里通」里数将根据餐饮与膳食消费,包括服务费、税项及小费的总和而计算。
  • 惠顾特定推广套餐或不可赚取「亚洲万里通」里数。请预先向个别「赚里餐厅」查询。
  • 赚取的「亚洲万里通」里数将于认可餐膳消费交易后10个工作天内存入会员的账户。
须受其他国泰条款及细则约束。
食记 (466)
等级1 2025-02-15
0 浏览
大開眼界。本來成個情人節好開心,有花收有驚喜有禮物。點知就係呢一年冇book到食自助餐,諗住因為年年食自助餐好悶,所以老公就幫我book咗呢一間餐廳諗住慶祝情人節。點知成個情人節就咁俾呢間餐廳搞到所有氣氛同心情都冇晒。我哋約咗夜晚8:45入座,去到餐廳門口已經有一對情侶喺度等緊,我哋入去同侍應講我哋約咗8:45 ,侍應叫我哋喺出面等一等,諗住應該好快可以入,點知等到九點,都完全未有可以入去嘅感覺,出面等位嘅地方好細,有啲侷促,因為仲帶住小朋友,所以老公在入去問多次幾時可以入座,強調我哋係約咗8:45 ,侍應叫我哋再等一等,好快就可以入座。我哋再等多15分鐘,終於可以入座,但最精彩嘅而家先上演。入到去之後,侍應就同我哋講話枱面有兩支水,如果開嘅話就要加$38一支,我老公問佢可唔可以俾兩杯暖水,女侍應同我哋講,我哋冇水提供,如果要嘅話就要開水,要加錢,跟住佢就話:「我免費開俾你哋啦,唔好意思要你哋等咁耐,不過你哋唔好嘈,唔好咁大聲。」我哋一頭霧水,不過諗住算啦都見到佢哋有誠意,但是大時大節應該都係比較忙,應該安排上有少小失誤啫,諗住都開開心心食埋餐飯就算。我哋9:15入座,等咗15分鐘,都未見有任何嘅食物上枱,因為小朋友都已經有啲攰同肚餓,所以我哋就再次催促一下幾時可以有食物上枱,侍應都係一貫地叫我哋等一等,話好快好快,喺中途我哋都聽到隔籬枱有一家四口話已經等咗半個鐘頭但係都仲係未有嘢食,我哋已經心知不妙,最後9:45先上第一個頭盤(總共有四個),因為頭盤都係比較簡單嘅沙律菜,我哋其實幾啖就食完,跟住就等第二個頭盤,中途我哋都有要求侍應不如上咗個湯先,可以俾小朋友飲住等,侍應話冇問題,但係都係冇咗件事,最後佢嗰四個頭盤,每一道頭盤與頭盤之間都係相隔最少15至20分鐘先有下一道菜上枱,所以淨係食晒四個頭盤已經10:45 。因為小朋友已經好攰,又肚餓,再加埋我本身自己個胃都已經唔係好舒服,於是同老公講不如離開,我哋已經冇辦法再等咁耐,不如真係出去食個麥當勞就算數,聽日再補慶祝。與此同時個湯終於上咗,我就同小朋友飲埋個湯,其實當時已經夜晚11點。老實講我真係冇諗過食一餐飯可以11點都未食到主菜,我同老公講咗一句話我去埋洗手間我哋就離開啦,我真係冇辦法再等落去,點知去完洗手間之後,其中一個主菜就上咗嚟,咁都冇辦法啦唯有食埋先,下一個主菜就11:10左右上埋,老公就話食埋2個主菜我哋就離開,唔再等佢個甜品同飲餐茶,嗰陣我哋已經係餓到有小小狼吞虎嚥,但係最後食唔晒因為個三文魚係鹹到入唔到口。最後我哋食完主菜之後甜品都已經冇晒心情再食就已經埋單離開咗,盛惠$1745。我哋走嘅時候大概係11:15分,如果真係等埋甜品同餐茶,可能真係要食到12點。今次真係一個極之極之極之差嘅體驗,我完全唔明白點解一間餐廳可以做到咁差,明知廚房細,完全冇辦法handle到咁多客人,就唔好接咁多客。我哋完全係食到發晒脾氣,而餐廳完全冇諗過可以點樣安撫客人,冇諗過情人節會搞到心情咁差完全都係因為呢間嘢,食完之後已經係又攰又勞氣,小朋友係扭晒計。總括而言,呢間嘢喺人生中不會再去,冇可能有下次,垃圾之中嘅垃圾。 继续阅读
(以上食记乃用户个人意见 , 并不代表OpenRice之观点。)
等级3 2024-10-27
2286 浏览
喺尖沙咀呢個美食天堂,你如果未去過Le Paradis Cafe & Restaurant,就真係走寶啦!呢間隱身喺大廈入邊嘅法國餐廳,唔單止價錢平過一半嘅Fine Dining,仲係物超所值,非常驚喜!一入座,佢嘅前菜已經令人印象深刻。首先係蒜蓉包,外脆內軟,蒜香撲鼻。跟住係煙三文魚Caesar沙律,呢個沙律真係清新得嚟有層次,菜洗得非常乾淨,口感鮮脆,夾埋芝士煙三文魚片,配搭啱啱好。而其中一個最特別嘅前菜就係香煎鵪鶉髀,呢個唔係每間餐廳都有得食,但煎得非常香,雖然略嫌油膩,但味道好特別,值得一試。而另一道亮點就係橄欖油蒜片蝦,蝦肉新鮮彈牙,橄欖油唔會過於油膩,蒜片味道濃郁,唔會搶晒蝦嘅鮮味,呢道菜絕對係必試之選。至於餐湯方面,雖然我哋原本想試黑松露蘑菇湯,最後冇係餐牌上有啲失望,但法式龍蝦湯完全補救返我哋嘅心情。龍蝦味濃得黎唔會過鹹,層次感豐富,鍾意海鮮湯嘅朋友一定唔可以錯過;相對地,洋蔥湯就普通啲,味道偏甜,湯上枱時熱騰騰,飲嘅時候要特別小心。講到主菜,真係各有千秋。我哋揀咗挪威三文魚同油封鴨髀。三文魚煎得外層香脆,入面鮮嫩多汁,仲帶住一陣濃厚嘅鮮味。而鴨髀方面,雖然味道唔錯,但稍微乾身啲,唔夠Juicy。因為驚餐唔夠食(其實非常夠,唔洗額外加),我哋仲加咗個龍蝦汁三文魚子意大利粉,呢個絕對係驚喜!意大利粉煮得啱啱好,龍蝦汁香濃,再配上三文魚子,真係非常滋味。不過要提提,如果你揀咗呢道菜,咁就唔好揀龍蝦湯啦,因為味道差唔多。最後,甜品方面我哋加咗個心太軟。因為慶祝周年紀念,餐廳仲好貼心幫我哋寫上想要嘅字,仲附送一支仙女棒添!嗰一刻真係好感動。更難得嘅係老闆娘親自服務,每道菜都好細心解釋,甚至幫我哋擺好花,真係非常貼心嘅體驗。總結嚟講,Le Paradis Cafe & Restaurant絕對值得推介,無論你想享受法國美食定係搵個平靚正嘅慶祝場合,呢度都係個好選擇! 继续阅读
(以上食记乃用户个人意见 , 并不代表OpenRice之观点。)
等级2 2024-10-26
3348 浏览
朋友邀請我去呢間樓上餐廳為我慶生成餐飯充滿驚喜, 首先我要推介嘅就係個自家製蒜蓉包, 外脆內軟充滿濃濃嘅pesto 味🤤🤤🤤真係忍唔住要食多幾嚿. 繼而頭盤嘅蟹餅同龍蝦湯真係好好味蟹餅煎得又香又脆仲要淡淡蟹肉, 龍蝦湯好濃(龍)好香甜, 真係好想再encore多一碗 🤪🤪🤪 主菜嘅羊架好腍又冇臊味, 個pasta 同魚直頭係我至愛 😍😍 我本身並唔係一個甜品愛好者,但係佢個心太軟香而不膩又唔甜我都唔知幾耐冇試過成個甜品食晒 呢一晚餐廳都有啲忙,但係個服務員都好細心咁服務我哋, 希望我哋唔會笑得太大聲騷擾到其他客人啦😆😆 如果想搵一間餐廳可以飲嘢食飯傾偈呢度一定係一個好好嘅選擇 继续阅读
(以上食记乃用户个人意见 , 并不代表OpenRice之观点。)
等级1 2024-10-02
4116 浏览
平日工作好忙,好少寫食評,但今次實在太失望,不吐不快,亦希望其他食客考慮餐廳嘅時候有所警惕。早前於鄰住買購入了套餐打算和母親大人慶祝生日,於是提早whatsapp了店家要求加$48轉心太軟寫字及贈送小煙花一支。另外,由於母親大人偏愛生蠔,亦預訂了$368/半打生蠔,店家聲稱是French Gillardeau N0/N1。1. 剛到埗,疑似是女闆娘的女侍應向我們介紹 still and sparkling water。我禮貌地表示 tap 就可以,侍應立即黑臉,說只有滾水,而且要等,無咁快,我表示唔緊要。女侍應離開後後面嘅男侍應立即幫忙斟水,的確是滾的,店家很想客戶額外消費飲品,哈哈。2. 店家聲稱生蠔是French Gillardeau N0/N1,但以我所見連N4都唔知有無,六隻入面有兩隻幾乎連肉都見唔到。3. 菜式與菜式之間每每都要等足半個鐘,長時間 keep 住張枱無野食,越食越肚餓。4. 其中一個主菜,海虎蝦米多,蝦肉係霉嘅,肉質好淋好唔新鮮。5. 終於捱到食完所有courses,女侍應送上兩個跟餐嘅 creme brulee,我示意叫佢過嚟,佢表示自己收緊碟,稍後過嚟。我地都以為佢放低啲碟就會睇下我地咩事,點知佢仲慢條斯理清理啲碟,掃廚餘落垃圾桶。等咗十分鐘等到佢過嚟,我同佢講我加咗錢轉咗生日message心太軟,佢好大聲咁話無收過喎,我開返whatsapp俾佢睇,佢先話ok依家做,之後想收走我面前嘅creme brulee,又放返低,又收走母親面前嘅creme brulee。 6. 等咗又半個鐘,心太軟嚟到,女侍應匆匆忙忙放低隻碟叫我準備影相點煙花,我電話都未拎起佢已經點完走咗,母親問我點解唔一齊影相,我話等侍應返嚟再叫佢揸機。點知原來隔離枱都order咗心太軟,女侍應係未點煙花已經主動幫個pair情侶影合照仲影埋video。媽咪好嬲好唔開心話侍應歧視我地用鄰住買 coupon,連甜品都無食完就話要走。平心而論,餐廳出品係唔差,但廚房可能只得一個人一腳踢,根本做唔切。最慘係女侍應好無禮物態度令人反感,慶祝特別日子無要求你做到賓至如歸,但至少唔應該食到一肚氣。埋單唔係平,HK$1,544,女侍應仲話希望我地下次再光臨,母親一離開餐廳即刻話無可能,直頭要列入黑名單,只值$600。🥲可憐作為女兒的我,錢又俾咗,又做咗罪人。😪如果餐廳係會俾面色用折扣購買套餐嘅客人,建議店家唔好做優惠,做臭自己個招牌。 继续阅读
(以上食记乃用户个人意见 , 并不代表OpenRice之观点。)
等级1 2024-08-24
3371 浏览
星期五晚訂咗枱,太約6點半到達,我哋係第1枱客。全餐廳有2位侍應(1男,1女)男的上前問我哋飲乜嘢,我話要暖水,之後就見佢攞住個暖水壺。跟著女的上前問同一問題,然後介紹有2款礦泉水(有氣及冇氣各$38/支), 朋友點了其中一支,我之後要求暖水,女侍應話由於全晚full booking, 熱水係要廚師煲,所以唔會提供.......聽完佢咁講真係黑人問號,今時今日提供咁嘅服務,只顧自己方便,以後唔都會幫襯。 继续阅读
(以上食记乃用户个人意见 , 并不代表OpenRice之观点。)