嘆甜品

营业中

休息中

喺元朗食完晚饭，返大埔之前经过粉岭就谂住食个甜品，因为方便喺熟食市场泊车，所以就拣咗呢一间。去到嘅时候出边门口劲多人等，都惊冇位，点知原来全部都系等外卖。跟住啱啱好里便有张四人枱咁就入去。侍应都好忙系咁出外买单。四个人各自叫咗四碗糖水互相试食，另外再加多咗份开心果格仔饼。先嚟咗个开心果西米露，唔太甜还好。跟住上咗格仔饼，格仔饼腍咗啲，个开心果酱正常发挥比头先个西米露就甜咗少少。个格仔饼侧边有兜白色嘅正方形物体，食落去冇味，所以唔知佢系咪奶冻。反而个榴梿雪糕就几好食，留意番我系试咗个正方形物体先至食榴梿雪糕，所以都肯定𠮶几粒嘢系无味嘅。另外有个邻居见冻，所以嗌咗个汤圆。偷咗佢一粒汤圆食，点知系常温跟住我嗌咗个「珍珠满盛爱玉」，里面系柠檬汁底，都几清爽。但系啲芋圆同埋珍珠中间未煮得透身，仲系实实地粉粉地。但要尊重食物，最后都系食晒成碗。