C.O.W. Dining (已結業)

上次嚟食过lunch觉得都唔错，而且环境又舒服，咁啱又经过附近，所以决定再嚟多一次。今次个沙律已经转咗做象拔蚌沙律，象拔蚌份量都算唔少，食落去都好爽口同鲜甜，加咗芝麻酱就更加惹味。今次嘅餐汤都同上一次唔同，转咗做意大利菜汤，汤加咗少许香草油，除咗一般嘅杂菜，仲有意大利粉。一般嘅做法好少会加意大利粉，所以成个感觉好特别，而且过汤酸酸地又几开胃。我比较欣赏呢度嘅自家制意粉，所以Main Course今次叫咗自家制墨鱼汁面配海鲜罗勒香草蕃茄汁。墨鱼汁面做得好好，依然好有水准，今次意粉做得比较软身，再配卖蕃茄汁真系好好味。配料方面亦都有好多，有虾、青口、鱿鱼。而且我几钟意呢个番茄汁做得比较稀同薄身，唔会有好浓腻嘅感觉。